“SHBA do t’i bëjë dhuratë Kosovës njohjen e një shteti të fuqishëm”

Kështu ka deklaruar gazetari Leonard Kërquki duke u thirrur në burime brenda takimit të djeshëm në mes të Kosovës dhe Serbisë me ndërmjetësimin amerikan.

”Kosovën do ta njeh një shtet i fuqishëm i globit, kjo do të jetë pjesë e një dhurate që SHBA do të ja bëjnë Kosovës. Është një njohje që do ta i vjen Kosovës dhuratë”, ka thënë Kërquki, pa dhënë detaje se për cilin shtet bëhet fjalë.

Gazeta Express dhe T7 raportojnë se marrëveshja e sotme në Shtëpinë e Bardhë do t’i sjellë Kosovës dhe Serbisë 13 miliardë dollarë investime.

Gjithashtu, Kosova dhe Serbia do të nënshkruajnë marrëveshje të ndara me SHBA’në.