Serbia e paralajmëron arrestimin e Thaçit, përfshijnë edhe Kushnerin në trafikim të organeve

Ai ka vazhduar të insistoj në trafikimin e organeve nga UÇK-ja, për të cilin ka thënë se nuk mund ta bënin pa ndërkombëtarët, duke thënë se pa Kushnerin, kjo absolutisht nuk do të ishte e mundur.

Në pyetjen nëse e ka ditur Thaçi në parim, edhe pse ishte shumë bashkëpunues dhe ka pasur mbështetjen nga qendrat e ndryshme të fuqive, që do të përfundojë në burgun e Hagës si kriminel lufte, Daçiq ka thënë se është çështje ditësh kur Thaçi do të arrestohet si kriminel lufte.

“E keni situatën kur Dik Marti filloj të flasë për të gjitha këto. Shtetet e Bashkuara të Amerikës dhe shtetet e tjera perëndimore nuk kanë pasur rrugëdalje. Edhe është dashur që të sjellin diçka për t’u dukur që ato në të vërtetë e duan drejtësinë. Dhe atëherë u mor vendimi që të formohet kjo Gjykatë Speciale. Por, kjo Gjykate Speciale është gjykate ndërkombëtare në kuptim që ajo gjendet në Hagë dhe që gjykatësit dhe prokurorët janë të huaj. Atë e ka themeluar Kosova dhe është në përputhje me Kushtetutën e Kosovës. Ata i kanë detyruar për një gjë të tillë. E tani çka po ndodh kohëve të fundit. Ata tani kuptuan që gjërat mund të jenë serioze. Sepse, ata menduan që nuk do t’i prekin ata, ata janë konstruktiv, etj. Gjatë disa javëve dhe muajve të fundit kemi përpjekje të dukshme të Prishtinës që të bëhet rishqyrtimi i asaj që ata kanë sjellë. E para ishte kërkesa që ata ia kanë dërguar Pompeos. Dmth ata i kanë shkruar Pompeos dhe kërkuan që të anulohet që gjykata të jetë në Holandë, por të jetë në Kosovë. Që dëshmitarët e mbrojtur të vriten. Ata këtë e kërkuan nga Shtetet e Bashkuara Amerikane. E dyta është folur edhe publikisht, Osmani si kryeparlamentare e tha që ka iniciativa të fshehta për ndryshimin e Kushtetutës për ta hequr atë nga korniza kushtetuese”, ka thënë Daçiq.

Ai ka shtuar, duke thënë se tani për tani ekziston propozim aktakuzë kundër Thaçit dhe askush nga komuniteti ndërkombëtar nuk po kontakton me të, por, sipas tij, është më së e qartë që çështje ditësh është kur Hashim Thaçi do të jetë i arrestuar.

“Ne tani jemi në fillim të një dukurie të re dhe ajo është që një gjykatë po i gjykon shqiptarët për krime të bëra kundër serbëve. Ato janë krime të tmerrshme. Nuk dua të flas vetëm për të rrëmbyerit, të zhdukurit, bëhet fjalë për disa mjëra njerëz. Shumica prej tyre kanë qenë pas ardhjes së NATO-s dhe KFOR-it. Gjithashtu e keni një situatë, të mos flas për tregti me organe. Kombet e Bashkuara kanë punuar në këto raste, por ato kurrë askush nuk i ka proceduar. Por, kjo tregtia me organe nuk ka qenë e realizueshme pa komunitetin ndërkombëtar. Kujtohemi kur Bernard Kushner, fituesi i Çmimit Nobel për Paqe, kryetari i mjekëve pa kufi në Kosovë, kur e pyetën për tregti me organe, ai buzëqeshi. Pa të, kjo absolutisht nuk do të ishte e mundur”, ka thënë ai./Periskopi/