3 orë më parëProfesoresha kolapson dhe vdes nga koronavirusi derisa po jepte ligjëratë para studentëve
Periskopi(6 vite më parë)
(6 vite më parë)Një profesoreshë në Argjentinë e cila po vuante nga simptomat ngulmuese të koronavirusit ka kolapsuar dhe ka vdekur në shtëpinë e saj gjatë një ligjërate virtuale online para klasës së saj, sipas raportimeve. Paola De Simone, 46 vjeçare, që po jepte mësim mbi historinë botërore të shekullit 20 në Universitetin “Argentina de la Empresa” në […]
Paola De Simone, 46 vjeçare, që po jepte mësim mbi historinë botërore të shekullit 20 në Universitetin “Argentina de la Empresa” në Buenos Aires, ishte ankuar se po kishte probleme me frymëmarrje gjatë një sesioni me Zoom javën e kaluar, raporton Sun duke cituar Ciari Mes.
Studentët e alarmuar i kërkuan asaj që t’ju jepte adresën e shtëpisë në mënyrë që t’i shkonin në ndihmë, por ajo gulçoi “S’mundem” para se të kolapsonte, përcjell Periskopi.
Burri i De Simones, mjek me profesion, e gjeti trupin e pajetë të bashkëshortes posa arriti në shtëpi.
Profesoresha, që ka lënë një vajzë, kishte përmendur problemet e saj shëndetësore – dhe punën e burrit të saj gjatë pandemisë në Twitter.
“Është shumë e pështjelltë. Kam qenë në këtë situatë (me virus) për më shumë se katër javë dhe simptomat thjesht s’po largohen,” kishte shkruar ajo. “Burri im është i rraskapitur nga puna e madhe që po bën për momentin.”
Njëra prej studenteve të saj, Ana Breccia, 23 vjeçare, përshkroi momentet e fundit të profesoreshës.
“Ajo nisi duke thënë që kishte pneumoni, ne e pamë se ajo ishte më keq se në ligjëratat e kaluara,” tha ajo. “Në një pikë, ajo nuk mundte që t’i kalonte ‘slide’-t, as të fliste dhe e humbi ekuilibrin.” /Periskopi
