2 orë më parëMustafa para një viti ishte kundër Mini-Shengenit Ballkanik, ja çfarë thoshte
Periskopi(6 vite më parë)
(6 vite më parë)Sot në Shtetet e Bashkuara të Amerikës është arritur marrëveshje midis Kosovës dhe Serbisë, derisa një nga pikat parasheh anëtarësim të barabartë në mini-Schengenin Ballkanik të Kosovës dhe Serbisë. E me këtë u pajtuan edhe kreu i Lidhjes Demokratike të Kosovës, Isa Mustafa e edhe kreu i Aleancës për Ardhmërinë e Kosovës, Ramush Haradinaj – […]
Sot në Shtetet e Bashkuara të Amerikës është arritur marrëveshje midis Kosovës dhe Serbisë, derisa një nga pikat parasheh anëtarësim të barabartë në mini-Schengenin Ballkanik të Kosovës dhe Serbisë.
E me këtë u pajtuan edhe kreu i Lidhjes Demokratike të Kosovës, Isa Mustafa e edhe kreu i Aleancës për Ardhmërinë e Kosovës, Ramush Haradinaj – të cilët ashpër e kishin kundërshtuar këtë ide.
Mustafa, para një viti kur ishte prezantuar kjo ide e kishte quajtur “mini-jugosllavi”, ndërsa tani, ai nuk e tha as edhe një fjalë për ta komentuar si pikë të marrëveshjes.
“Në shiqim të parë duken projekte atraktive, por në esencë qojnë në një Jugosllavi të re, me Shqipërinë e pa Kroacinë dhe Slloveninë. Janë ide që nuk i kemi përkrahur sa e kemi drejtuar qeverinë dhe nuk do ti përkrahim si Lidhje Demokratike e Kosovës, as në pozitë dhe as në opozitë. Ashtu siç nuk përkrahim ndryshimin e kufijve shtetëror të Kosovës. Kosova duhet të aspirojë tregun unik evropian, fillimisht mbi bazën e MSA-së që rregullon edhe doganat dhe të bëhemi pjesë e Marrëveshjes Shengen, ku janë shtetet e BE-së. Marrëveshjet e Mini-shengenit lindi kur nuk u realizua projekti i ideuar në Serbi për Unionin Doganor dhe idea për Unionin Ekonomik të Vendeve të Ballkanit Perëndimor, për shkak të kundërshtimit të Kosovës dhe të Malit të Zi.”, kishte shkruar dikur Mustafa.
