Me këto pika të marrëveshjes së nënshkruar në Washington po krenohet Serbia

”Marrëveshja për normalizimin ekonomik të marrëdhënieve me Kosoën e cila u nënshkrua sot në Shtëpinë e Bardhë, përmban shumë zgjidhje, të cilat do të jenë objekt i analizës”, kështu shkruan mediumi serb, B92.net

Mediat serbe tregojnë se për cilat pika mund të krenohet Serbia.

1. Pika e famshme e 10-të e cila ishte hequr ku parashikohej njohja reciproke e Serbisë dhe të ashtuquajturës Kosovë.

2. Marrëveshja për normalizimin e marrëdhënieve ekonomike midis Serbisë dhe të ashtuquajturës Kosovë nuk është e nënshkruar reciprokisht. Marrëveshja është, pra, bilaterale, jo trepalëshe, që do të thotë se “pala e tretë”, dmth. Kosova nuk njihet si subjekt i së drejtës ndërkombëtare me këtë marrëveshje.

3. Një moratorium u vendos, për një vit, mbi anëtarësimin e të ashtuquajturës Kosova në organizata dhe institucione ndërkombëtare. Kështu, çështja e statusit të të Kosovës edhe një herë u la mënjanë, përkundër insistimit dhe pritjeve të Prishtinës.

4. Prishtina u detyrua të bashkohej me nismën e Presidentit Vuçiç “Shengeni i Vogël”, të cilin ajo e refuzoi, edhe me insistimin e Tiranës, e cila, përveç Maqedonisë së Veriut, iu bashkua këtij projekti ekonomik. Duke vepruar kështu, Shtetet e Bashkuara kanë treguar se kanë njohur dhe riafirmuar konstruktivitetin politik dhe angazhimin e Beogradit për përparimin në marrëdhëniet brenda rajonit të Ballkanit Perëndimor, pavarësisht nga politikat e vendeve të ndryshme.

5. Është hapur një faqe e re në marrëdhëniet e Serbisë me Shtetet e Bashkuara, të cilat për shumë vite, madje me dekada, e shihnin Prishtinën si partneren e saj në Ballkan. Vlerësimi i Presidentit Vuçiç se marrëveshja e nënshkruar në Shtëpinë e Bardhë është shumë e rëndësishme për Serbinë dhe se nuk ka asgjë për t’u turpëruar argumentohet nga çdo pikë nga dokumenti, i cili u fitua nën presion të madh në shtëpinë e fuqisë botërore që njohu Kosovën.