2 orë më parëKryeministri tregon se a po hahen mes vete anëtarët e delegacionit në Washington
Periskopi(6 vite më parë)
(6 vite më parë)Kryeministri i Kosovës, Avdullah Hoti, në një intervistë për mediat tona lokale ka folur nga Washingtoni për procesin e dialogut që po zhvillohet në Shtëpinë e Bardhë. Ai është pyetur nëse ka mosmarrëveshje brenda delegacionit të Kosovës duke pasur parasysh përplasjet e brendshme mes koalicionit qeveritar. “Nuk ka, nuk ka. Ne jemi njerëz dhe secili […]
Ai është pyetur nëse ka mosmarrëveshje brenda delegacionit të Kosovës duke pasur parasysh përplasjet e brendshme mes koalicionit qeveritar.
“Nuk ka, nuk ka. Ne jemi njerëz dhe secili mund të ketë këndvështrim të vetin. Por, punojmë së bashku dhe tjerat janë çështje të përditshme. Nuk shoh ndonjë çështje që ia vlen të ngritet,” – tha ai.
Më tej, kryeministri Hoti ka thënë se nuk e di se sa do të zgjas dialogu në Washington.
“Takimi në Washington dhe ai në Bruksel janë plotësisht të ndërlidhura. Ka një koordinim shumë më të mirë e më të madh për procesin e dialogut. Një agjendë të fuqishme ekonomike e çon përpara Shtëpia e Bardhë dhe pjesën tjetër BE-ja, në veçanti me Francën dhe Gjermaninë,” – shtoi më tej kryeministri.
Ai ka përsëritur qëndrimin e tij se nuk ka asnjë marrëveshje politike pa njohjen reciproke./Periskopi
