4 orë më parëEdhe Biden e quan Kosovën “vend mysliman” dhe i gëzohet njohjes nga Izraeli
Periskopi(6 vite më parë)
(6 vite më parë)Kandidati demokrat për President të Shteteve të Bashkuara të Amerikës, Joe Biden, e ka quajtur hap pozitiv normalizimin e raporteve të Kosovës me Izraelin. I pyetur rreth marrëveshjes së ndërmjetësuar nga Trumpi gjatë një konference për gazetarë të premten, i nominuari i Partisë Demokratike për president të ardhshëm, Joe Biden, refuzoi ta gjykojë marrëveshjen pa […]
Kandidati demokrat për President të Shteteve të Bashkuara të Amerikës, Joe Biden, e ka quajtur hap pozitiv normalizimin e raporteve të Kosovës me Izraelin.
I pyetur rreth marrëveshjes së ndërmjetësuar nga Trumpi gjatë një konference për gazetarë të premten, i nominuari i Partisë Demokratike për president të ardhshëm, Joe Biden, refuzoi ta gjykojë marrëveshjen pa i ditur të gjitha hollësitë, por tha se normalizimi me Izraelin i duket pozitiv.
“Unë mendoj se normalizimi i raporteve mes vendeve është në përgjithësi një gjë e mirë. Të kesh një vend me shumicë myslimane që i normalizon marrëdhëniet me Izraelin, në kuptim të përgjithshëm, mua më duket pozitive”, tha ai.
Ndryshe, Presidenti i Shteteve të Bashkuara, Donald Trump njoftoi të premten se Kosova dhe Izraeli janë pajtuar që të normalizojnë raportet dhe të vendosin marrëdhënie diplomatike.
Këtë deklaratë ai e bëri në Shtëpinë e Bardhë, ku u nënshkrua marrëveshja për normalizimin ekonomik ndërmjet Kosovës dhe Serbisë.
Kjo marrëveshje, u nënshkrua kryeministri i Kosovës Avdullah Hoti dhe presidenti serb, Aleksandar Vuçiq në Zyrën Ovale në prani të presidentit amerikan, Donald Trump.
