4 orë më parëRasti Ivanovic, vazhdohet për dy muaj masa e paraqitjes në polici për tre të dyshuar
Periskopi(6 vite më parë)
(6 vite më parë)Gjykata Themelore në Prishtinë, Departamenti Special, ka vazhduar masën e paraqitjes së detyrueshme në polici edhe për dy muaj Dragisha Markovic, Silvana Arsovic dhe Zharko Jovanovic, të cilët dyshohen se u kanë ndihmuar autorëve me veprimet e tyre në kryerje të vrasjes së politikanit serb Oliver Ivanovic. Kjo është konfirmuar për KosovaPress nga avokati i […]
Kjo është konfirmuar për KosovaPress nga avokati i këtij rasti Musa Damati.
“Klientja ime Silvana Arsoviq, me rolin e saj si asistente e partisë, dyshohet se përmes kamerave ka ofruar ndihmë në veprën penale, dhe në këtë fazë të procedurës penale konsideroj se është sukses i mbrojtjes që masat tjera të propozuara nga Prokuroria Speciale e Kosovës janë refuzuar për klienten time, dhe se gjykata ka aprovuar kërkesën e mbrojtjes duke e vazhduar vetëm masën për paraqitje në polici të klientes sime”, deklaroi Damati.
Oliver Ivanovic, lideri i Partisë Liri, Demokraci dhe Barazi u qëllua për vdekje më 16 janar 2018 në pjesën veriore të qytetit të Mitrovicës. Mediat serbe e përshkruan vrasjen si akt të kryer në makinë nga më shumë se një person, ndërsa Ivanovic po shkonte në zyrat e partisë.
Policia dyshon se një makinë e gjendur e djegur në një tjetër rrugë të Mitrovicës është përdorur nga autorët e krimit, e më pas është djegur për të humbur gjurmët. Në nëntor 2019, Policia e Kosovës ka arrestuar tre persona në veri të Mitrovicës, të cilët dyshohet se kanë lidhje me vrasjen e Ivanovicit.
