5 orë më parëRacizmi në Amerikë: I ziu pa armë u vra me shtatë plumba, i bardhi ecë me armë në dorë mes policëve dhe vret dy të zinj
Periskopi(6 vite më parë)
(6 vite më parë)Protestat tashmë disa-mujore në Amerikë me shumë gjasë kanë marrë vëmendjen e shumë lexuesve nga Kosova që duan të kuptojnë rëndesën dhe seriozitetin e tyre. Së fundi, dy incidente të ndara e ilustrojnë edhe më mirë situatën e rëndë nëpër të cilën po kalon vendi ynë mik. George Floyd, amerikani i zi që u vra […]
George Floyd, amerikani i zi që u vra nga Policia që e mbante gjurin mbi qafën e tij u bë shkaktar i protestave e trazirave në shumë qytete amerikane – por edhe i debateve të nxehta politike për këtë temë.
Pas tij pasuan një varg incidentesh të tjera që provokuan të tjera protesta të dhunshme.
E ngjarja e fundit ka të bëj me afroamerikanin Jacob Blake, i cili u vra nga një zyrtar policor me shtatë plumba ani pse videot e tregonin të paarmatosur dhe jokërcënues, shkruan Periskopi.
Pasi shpërthyen protestat për këtë ngjarje të rëndë, një 17 vjeçar i bardhë qëlloi tre protestues dy prej të cilëve mbetën të vdekur. Ai ishte kapur nga kamerat derisa po ecte me pushkë në dorë dhe krejtësisht i injoruar nga policia që ndodhej aty.
Presidenti amerikan Donald Trump ende nuk ka folur për këto ngjarje, ndërkohë që sonte pritet të mbajë fjalimin e tij në Konventën Kombëtare Republikane ku pranon garimin për një mandat të dytë në Zyren Ovale.
Republikanët e kanë mohuar që në ShBA ekziston ai që quhet “racizëm sistemik” për ekzistencën dhe çrrënjosjen e të cilit po avokojnë protestuesit dhe një pjesë e madhe e Demokratëve, përfshirë edhe kandidatin presidencial, Joe Biden.
Protestat në ShBA pritet të kenë një rol të madh – e ndoshta vendimtar – në përcaktimin e fituesit të garës presidenciale të 3 nëntorit të këtij viti. /Periskopi
