2 orë më parëLufta në Siri: Përplasje mes ushtrisë ruse dhe ushtrisë amerikane
Periskopi(6 vite më parë)
(6 vite më parë)Qeveria ruse dhe ajo amerikane kanë fajësuar njëra-tjetrën për një përplasje që ka ndodhur mes automjeteve të tyre të blinduara në veri-llindje të Sirisë e cila plagosi shumë trupa amerikane. Videoja e kësaj përplasjeje ishte postuar nga një faqe nacionaliste ruse, Rusvesna.su, e më pas ishte komentuar gjerësisht në Twitter. Videoja në fjalë shfaq një […]
Videoja e kësaj përplasjeje ishte postuar nga një faqe nacionaliste ruse, Rusvesna.su, e më pas ishte komentuar gjerësisht në Twitter.
Videoja në fjalë shfaq një pajisje ushtarake ruse në shkretëtirë derisa godet automjetin e blinduar amerikan, derisa një helikopter rus fluturon fare poshtë tyre, shkruan BBC, përkthen Periskopi.
Rusia thotë se ShBA-ja kishte penguar një patrollim.
Lajmet e incidentit në fjalë dolën të mërkurën dhe ministria e brendshme ruse tha se i kishte dhënë ushtrisë amerikane paralajmërim se ata do të patrollonin atë zonë.
“Pavarësisht kësaj, duke thyer marrëveshjet e deritashme, forcat e armatosura amerikane provuan ta bllokonin patrollën ruse,” tha ministri në një deklaratë.
Shtëpia e Bardhë ndërkohë ka deklaruar se goditja e marrë nga rusët ka lënduar shumë anëtarë të automjetit të goditur.
ShBA-ja ka rreth 500 trupa në atë zonë për të ndihmuar në sigurinë e saj dhe kërcënimin e mëtejmë të xhihadistëve të Isisit. /Periskopi
