“Kasapi i Bosnjes”, Ratko Mlladiq apelon kundër dënimit që mori në Hagë

Seanca dyditore dëgjimore filloi pasi ishte shtyrë disa herë për shkak të problemeve shëndetësore të Mlladiqit dhe shkaku i pandemisë së koronavirusit.

78 vjeçari kishte udhëhequr forcat serbe gjatë masakrës së myslimanëve boshnjakë gjatë luftës së Bosnjes në vitet ’90.

I njohur si “Kasapi i Bosnjes”, ai u burgos me dënim të përjetshëm në muajin nëntor të vitit 2017, raporton BBC, përkthen Periskopi.

Ndërsa seanca e ditës së sotme filloi, avokatët e Mlladiqit i dhanë gjykatës së OKB-së se procedurat nuk duhej të fillonin derisa një ekip mjekësor të ekzaminonte kapacitetin e Mlladiqit për të marrë pjesë. Ata argumentuan që ai ishte dënuar gabimisht për “incidente të paplanifikuara”.

Mlladiqi vetë do të flas për 10 minuta të mërkurën, dhe u paraqit në seancën gjyqësore gjatë sesionit të sotëm. Ai kishte vendosur një maskë surgjikale për një periudhë të shkurtër kohore, para se ta hiqte.