6 orë më parëHyseni flet pas takimit me Palmer: SHBA do të jenë me Kosovën gjatë gjithë procesit të dialogut në Bruksel
Periskopi(6 vite më parë)
(6 vite më parë)Koordinatori shtetëror i Kosovës për dialogun me Serbinë, Skënder Hyseni, sot ka zhvilluar një takim me sekretarin e Departamentit Amerikan të Shtetit, Matthew Palmer, i cili është edhe emisar special amerikan për Ballkanin Perëndimor. Hyseni bën të ditur që Palmer e ka konfirmuar se SHBA-të përkrahin dialogun në Bruksel dhe se Amerika do të jetë […]
Hyseni bën të ditur që Palmer e ka konfirmuar se SHBA-të përkrahin dialogun në Bruksel dhe se Amerika do të jetë me Kosovën gjatë gjithë këtij procesi.
Hyseni përmes një postimi në rrjetin social Facebook ka thënë se me Palmer bënë një bisedë të hapur dhe shterruese me qëllim të koordinimit me synimin që dialogu të marrë një dinamikë të re duke shtruar, pa u vonuar dhe pa zvarritje, për diskutim dhe akordim çështjen kryesore gjithpërfshirëse për një njohje reciproke dhe normalizim të raporteve mes Kosovës e Serbisë.
Tutje ai ka thënë se krahas BE, roli i SHBA-ve në procesin e dialogut është i pazëvendësueshëm.
Ky është postimi i tij i plotë:
Sot në Washington D.C. pata një takim të gjatë dhe përmbajtësor me Zëvendër Asistent-Sekretarin për Evropë dhe Euroazi në Departamentin Amerikan të Shtetit, Mattheë Palmer, I cili ështe edhe Emisar Special amerikan për Ballkanin Perendimor. Pasi e njoftova për rrjedhën e deritashme të dialogut në Bruksel, me Zotin Palmer bëmë një bisedë të hapur dhe shterruese me qellim të koordinimit me synimin që dialogu të marrë një dinamikë të re duke shtruar, pa u vonuar dhe pa zvarritje, për diskutim dhe akordim çështjen kryesore, marrëveshjen gjithëperfshirëse për njohje reciproke dhe normalizim midis Republikës së Kosovës dhe Serbisë,
Duke konstatuar dhe theksuar se krahas BE-së, roli I SHBA-ve në këtë process është i pazëvendsueshëm, me përunjësi i kërkova Zotit Palmer praninë e përhershme aktive të SHBA-së në tryezën e bisedimeve në Bruksel.
Pasi theksoi se SHBA çmojnë angazhimin konstruktiv të Qeverisë dhe të gjitha institucioneve Republikës së Kosovës në këtë process, Zoti Palmer theksoi se Shtetet e Bashkuara të Amerikës përkrahin dialogun në Bruksel duke shtuar se Amerika do të jet me Ju përgjatë gjithë këtij procesi, në përkrahje të fuqishme për një marrëveshje të drejtë, të qëndrueshme dhe gjithpërfshirëse
Pas takimit me Matheë Palmer, poashtu zhvillova nje bisedë të gjatë me z. Ryan Tully, Drejtor i Lartë dhe znj Amanda R. Ahlers, Drejtore për Evropë në Këshillin për Siguri Kombëtare të Shtëpisë së Bardhë. Biseda poashtu kishte në focus dialogun e rinisur në Bruksel por edhe zhvillimet e përgjithshme në Kosovë dhe rajon.
Skender Hyseni
