2 orë më parëHoxhaj: E pamoralshme që LDK e AAK po flasin në këtë kohë për president
Periskopi(6 vite më parë)
(6 vite më parë)6 muaj para përfundimit të mandatit të presidentit, partitë politike në pushtet kanë filluar garën për këtë post. Pas AAK-së, tash edhe LDK synon presidentin. E PDK e vlerëson si garë të pamoralshme. Thotë se koalicioni qeverisës do të duhej të merrej me tema që e preokupojnë qytetarin e jo me pazare politike. Pavarësisht se […]
Pas AAK-së, tash edhe LDK synon presidentin. E PDK e vlerëson si garë të pamoralshme. Thotë se koalicioni qeverisës do të duhej të merrej me tema që e preokupojnë qytetarin e jo me pazare politike.
Pavarësisht se presidentit i Republikës së Kosovës, Hashim Thaçi i ka edhe 6 muaj mandat, apetitet e partive politike aktualisht në pushtet janë shtuar, madje edhe duke u deklaruar publikisht se ky post u takon atyre.
Këta zëra janë shtuar sidomos pas aktakuzës së Prokurorisë Speciale ndaj presidentit Thaçi e cila ende mbetet e pakonfirmuar.
Lidhja Demokratike e Kosovës po e kërkon pozitën më të lartë shtetërore pak ditë pasi Ramush Haradinaj tha se vendi shkon në zgjedhje nëse ai nuk e merr postin e presidentit.
Zv.kryeministri i Republikës së Kosovës nga radhët e AAK-së, Besnik Tahiri, thotë se Kosova e ka presidentin të cilin e respekton AAK, por nëse në rrethana të tjera do të diskutohej njeriu më i denjë për këtë post do të ishte Ramush Haradinaj, raporton RTK.
Nënkryetari i PDK-së, Enver Hoxhaj garën e partnerëve të koalicionit për postin e presidentit e ka quajtur të pamoralshme.
Tutje Hoxhaj ka deklaruar se LDK dhe AAK do të duhej të merreshin me tema që e preokupojnë qytetarin e jo me pazare politike.
Ndërkohë, nesër në orën 14:00 është paralajmëruar se do të mbahet një takim i krerëve të koalicionit qeverisës Isa Mustafa, Ramush Haradinaj e Fatmir Limaj ku temë diskutimi pritet të jetë shkuarja në Uashington dhe çështja e Presidentit.
