Amerika i tregon dorën e hekurt Sudanit: Paguaj 330 milionë dollarë, të heqim nga lista e terrorizmit

Mike Pomepo, sekretari amerikan i Shtetit, vizitoi Khartoumin (kryeqyteti i Sudanit) të martën për të theksuar mbështetjen amerikane për qeverinë e re tranzitore që mori pushtetin pas rënies së Omar al-Bashirit vitin e kaluar, regjimi 30 vjeçar i të cilit e bëri Sudanin një pari ndërkombëtare.

Pompeo, që bëri presion po ashtu për marrëdhënie më të mira mes Sudanit dhe Izraelit, diskutoi për ngritjen e sanksioneve me kryeministrin sudanez, Abdalla Hamdok, raporton Guardian, përcjell Periskopi.

ShBA-ja ka kërkuar që në mënyrë graduale të përmirësojë marrëdhëniet me Sudanin gjatë viteve të fundit por ka ngulmuar që çështje të rëndësishme legale duhen zgjidhur para se vendi të hiqet nga lista e shteteve që sponzorizojnë terrorizmin. Në këtë listë ndodhen edhe Korea e Veriut, Irani dhe Siria.

Sudani ka qenë në këtë listë nga viti 1993 dhe në këtë formë ka përpara një varg masash që duhet t’i tekalojë si mohimi i ndihmave shumë të nevojshme financiare nga institucione multilaterale ndërkombëtare.

Bombardimet e ambasadave në Tanzani dhe Keni në vitin 1998 ishte vepër e al-Qaidas, atëherë e udhëhequr nga Osama bin Laden nga Afganistani. Më shumë se 224 njerëz kishin vdekur dhe mbi 4 mijë ishin plagosur në ato bombardime.

Gjykatat në ShBA e kishin shpallur fajtore edhe Sudanin për ofrimin e ndihmës esenciale në mbështetje të al-Qaidas kur Bin Laden kishte qenë në këtë vend mes viteve 1991 dhe 1996.

Por ministrat, liderët opozitare dhe qytetarët e zakontë të këtij vendi kanë shprehur zhgënjimin e tyre për pagesën multimilionëshe që e kërkon ShBA-ja. Disa ankohen se është e padrejtë që qeveria e re reformiste në Sudan të vuajë pasojat për keqbërjet e diktatorit të rënë.

Aktivisti Mohamed Babiker, 32 vjeçar, akuzoi ShBA-të për intensifikimin e problemeve të Sudanit: “Ne e kundërshtuam regjimin dhe e rrëzuam. Tash na duhet të paguajmë për çka bëri gabim,” tha ai. /Periskopi