87 për qind e kosovarëve kundër dialogut me Serbinë pa prezencën amerikane

“Duhet apostrofuar dhe nënvizuar që në hulumtimin e bërë të IAMN nga 20 Qershori deri me 25 Korrik të këtij viti, në 1001 respodentë shqiptarë del se 87% të tyre mendojnë që Kosova nuk duhet fare të dialogojë me Serbinë pa prezencën amerikane. 13% mendojnë se duhet të vazhdojë dialogu në Bruksel”, thuhet në njoftimin e Instituti për Afirmimin e Marrëdhënieve Ndëretnike

IAMN konstaton se ky proces i rifilluar pas plotë 20 muaj suspendimi është duke zhvilluar në rrethana shumë të pafavorshme për Kosovë.

Sipas këtij hulumtimi, Shefi i Qeverisë aktuale nuk përfaqëson më shumë se 50 deputetë të Kuvendit të Kosovës pasi platformën e Hotit nuk e përkrah as Lista Srpska e në disa raste as Partia e Ramush Haradinajt.

“Hulumtimi jonë, tregon se Kryeministri Hoti nuk përfaqëson mendimin dhe vendimin politik të Listes Sërbe, që dmth se de facto Avdullah Hoti nuk përfaqëson shumicën e thjesht parlamentare, por përfaqëson vetëm mendimin e më së shumti 50 deputetëve të Parlamentit të Kosovës, bile nga njëherë ( përkujtojmë deklaratat e kreut te AAK) as edhe 40 deputetë”, thuhet në përfundimet e hulumtimit”, thuhet aty.

Aty rekomandohet që Presidenti i Shtetit të mbledh të gjitha partitë për të ndërtuar një konsensus kombëtar për të pasur një proces dialogues kredibil.

“Zoti Hoti është kryeministër por nuk është lider partiak dhe realisht nuk i takon atij që të thrras takime të ” Forumit politik” për krijimin e një uniteti politik! Është më se e nevojshme që këtë inicijativ ta merr presidenti i vendit që edhe pse në situatë çfarë është duhet të tregojë vendosmëri në këto rrethana për të treguar unitet kombëtar”, thuhet në përfundimet e hulumtimit.