6 orë më parë10 të vdekur nga koronavirusi në 24 orët e fundit: Numri i rasteve të reja më i vogël se ai i të shëruarve
Periskopi(6 vite më parë)
(6 vite më parë)Instituti Kombëtar i Shëndetësisë Publike (IKShPK) ka komunikuar të dhënat për rastet me Covid-19 në 24 orët e fundit. Sipas Intitutit janë shënuar 111 raste të konfirmuara me Covid-19 gjatë këtyre njëzet e katër orëve, përcjell Periskopi. 159 nga rastet e mëhershme janë raportuar si të shëruar. Ndërkohë që numri i të vdekurve për 24 […]
Sipas Intitutit janë shënuar 111 raste të konfirmuara me Covid-19 gjatë këtyre njëzet e katër orëve, përcjell Periskopi.
159 nga rastet e mëhershme janë raportuar si të shëruar.
Ndërkohë që numri i të vdekurve për 24 orë ishte 10.
Në ditët e fundit, autoritetet shëndetësore në vendin tonë kanë qenë mjaft konfidente për luftën kundër Covid-19 megjithëse numri i të vdekurve nga sëmundja e shkaktuar prej pandemisë nuk ka rënë ndjeshëm.
Statusi i plotë:
159 TË SHËRUAR DHE 111 RASTE ME COVID-19!
Gjatë 24 orëve të fundit, në Laboratorin e Mikrobiologjisë Molekulare në IKShPK me metodën RT-PCR, janë testuar gjithsej 448 mostra të marra nga ShSKUK, gjurmimi i kontakteve të rasteve në terren dhe laboratoret private, prej të cilëve rezultojnë 111 raste pozitive. Brenda 24 orëve janë raportuar 10 raste të vdekjes me SARS CoV-2 pozitiv.
Numri total i rasteve pozitive është 12.448 raste nga 47.355 persona të dyshimtë në virusin SARS-CoV-2 dhe 467 raste të vdekjes.
Gjatë 24 orëve të fundit, janë shëruar 159 pacientë derisa numri i përgjithshëm i të shëruarve deri më sot është gjithsej 8.505 raste, kurse numri i rasteve aktive është 3.476.
Rastet pozitive janë nga: komuna Prishtinë 25 raste, komuna Pejë 13 raste, komuna Gjilan 10 raste, komuna Gjakovë 7 raste, komuna Mitrovicë 7 raste, komuna Vushtrri 6 raste,
komuna Ferizaj 5 raste, komuna Drenas 4 raste, komuna Obiliq 4 raste, komuna Podujevë 4 raste, komuna Fushë Kosovë 3 raste, komuna Klinë 3 raste, komuna Rahovec 3 raste, komuna Skenderaj 3 raste, komuna Deçan 2 raste, komuna Malishevë 2 raste, komuna Prizren 2 raste, komuna Viti 2 raste dhe me nga një rast komunat Istog, Kamenicë, Kaçanik, Lipjan, Novobërdë dhe Shtime.
