8 orë më parëUran Ismaili alarmon për gjendjen me Covid-19: Mund të mbingarkohet sistemi, Qeveria të nis veprimet
Periskopi(6 vite më parë)
(6 vite më parë)Ish ministri i Shëndetësisë, Uran Ismaili, ka reaguar pas lajmeve të fundit që vijnë nga Klinika Infektive në Qendrën Klinike Universitare. Z.Ismaili ka deklaruar se numri i të vdekurve dhe i të infektuarve po rritet “frikshëm” në Kosovë dhe se situata në Klinikën Invektive po rëndohet. Ai ka kërkuar që Qeveria Hoti ta trajtojë më […]
Z.Ismaili ka deklaruar se numri i të vdekurve dhe i të infektuarve po rritet “frikshëm” në Kosovë dhe se situata në Klinikën Invektive po rëndohet.
Ai ka kërkuar që Qeveria Hoti ta trajtojë më seriozisht pandeminë dhe të rishikojë masat e të nisë veprimet “konkrete për ta ndalur këtë gjendje të rëndë dhe për ta parandaluar përkeqësimin e mëtejmë të saj.”
“Nuk është e mjaftueshme vetëm rritja e kapaciteteve në spitale. COVID-19 ka mbingarkuar sisteme shëndetësore më të mëdha sesa sistemi shëndetësor i Kosovës.” – shkruan z.Ismaili, përcjell Periskopi.
Statusi i plotë:
Numri i të vdekurve dhe i të infektuarve me COVID-19 në Kosovë është duke u rritur frikshëm, situata në Klinikën Infektive është duke u rënduar, ndërsa pamjet e sotme me QKUK-në e rrethuar nga policët dhe lajmet e fundit që vijnë nga atje janë tejet shqetësuese.
Është urgjente që pandemia të trajtohet seriozisht nga Qeveria Hoti. Marrë parasysh situatën e re, vdekjet e fundit dhe rritjen e numrave, duhet sa më shpejtë të rishikohen masat dhe të nisin veprime konkrete për ta ndalur këtë gjendje të rëndë dhe për ta parandaluar përkeqësimin e mëtejmë të saj.
Nuk është e mjaftueshme vetëm rritja e kapaciteteve në spitale. COVID-19 ka mbingarkuar sisteme shëndetësore më të mëdha sesa sistemi shëndetësor i Kosovës. Duhet të investohet në testime, duhet të rishikohen masat dhe duhet të ketë një komunikim strategjik të vazhdueshëm. Në të kundërtën, e keqja e shkaktuar nga COVID-19 veç sa do të rritet.
Kjo fazë e çorientimit institucional në përballje me virusin duhet të pasohet me politika konkrete që na japin forcë kolektive për t’u ballafaquar me këtë pandemi të rrezikshme dhe me pasoja fatale për jetën e qytetarëve.
