7 orë më parëThaçi: I nderuar që i kemi vënë gurthemelet e Xhamisë në Prishtinë
Periskopi(6 vite më parë)
(6 vite më parë)Presidenti i vendit, Hashim Thaçi ka shkruar për fillimin e punimeve për ndërtimin e xhamisë në Prishitnë. Thaçi ka komentuar edhe protestën e sotme të një grupi të qytetarvë të cilët janë shprehur kundër ndërtimit të xhamisë. E për këtë Thaçi ka thënë se është e drejtë demokratike të protestohet, por nuk duhet të shërbejnë […]
Thaçi ka komentuar edhe protestën e sotme të një grupi të qytetarvë të cilët janë shprehur kundër ndërtimit të xhamisë.
E për këtë Thaçi ka thënë se është e drejtë demokratike të protestohet, por nuk duhet të shërbejnë për nxitje të urrejtjes.
“Askush nuk ka asnjë arsye që të ndjehet i fyer, i anashkaluar apo i privilegjuar mbi baza fetare në shtetin tonë modern.
Protesta dhe shprehja e pakënaqësisë janë vlera demokratike në shoqërinë tonë, por ato asnjëherë nuk duhet të shërbejnë për nxitjen e urrejtjes ndërfetare dhe ndëretnike.”, ka shkruar ai, transmeton Periskopi.
Tutje ai ka kujtuar edhe vënien e gurthemelit të Katedrales në Prishtinë, por edhe të xhamisë.
Shkrimi i tij i plotë:
Ndjehem mirë dhe krenar, që së bashku me kreun e komunitetit të besimtarëve të krishterë dhe me Presidentin Rugova kemi vënë gurthemelin e Katedrales në Prishtinë. Po ashtu, ndjehem mirë dhe krenar, që së bashku me kreun e komunitetit të besimtarëve myslimanë dhe me Presidenten Jahjaga e vumë edhe gurthemelin e Xhamisë në Prishtinë.
Kosova është shembulli më i mirë, jo vetëm në rajon, por edhe më gjerë për tolerancën dhe bashkëjetesën e shkëlqyer ndërfetare, shekuj me radhë.
Askush nuk ka asnjë arsye që të ndjehet i fyer, i anashkaluar apo i privilegjuar mbi baza fetare në shtetin tonë modern.
Protesta dhe shprehja e pakënaqësisë janë vlera demokratike në shoqërinë tonë, por ato asnjëherë nuk duhet të shërbejnë për nxitjen e urrejtjes ndërfetare dhe ndëretnike.
Zoti e bekoftë Kosovën dhe popullin e saj! HTH
