3 orë më parëShkencëtarët: COVID-19 transmetohet përmes ajrit, OBSH duhet të ndryshojë rekomandimet
Periskopi(6 vite më parë)
(6 vite më parë)Qindra shkencëtarë pretendojnë se ka prova që koronavirusi në grimca më të vogla në ajër mund të jetë ngjitës dhe i kanë bërë thirrje Organizatës Botërore të Shëndetit (OBSH) të ndryshojë rekomandimet e saja. OBSH shprehet se koronavirusi përhapet kryesisht nga një person në tjetrin nga spërklat e një personi të infektuar kur teshtin, kollitet […]
OBSH shprehet se koronavirusi përhapet kryesisht nga një person në tjetrin nga spërklat e një personi të infektuar kur teshtin, kollitet ose flet.
Në një letër të hapur për OBSH, të cilën nënshkruesit planifikojnë ta botojnë në një ditar shkencor javën e ardhshme, 239 shkencëtarë nga 32 vende cituan prova që tregojnë se grimcat më të vogla mund të jenë ngjitëse, shkruan gazeta ‘New York Times’.
Nuk ka rëndësi nëse koronavirusi transmetohet nga grimca më të mëdha pas teshtitjes ose nga grimca më të vogla të prodhuara nga frymëmarrja, por ajo që koronavirusi transmetohet nga ajri dhe mund të infektojë njerëzit kur thithin atë, thonë shkencëtarët.
Sidoqoftë, OBSH deklaron se provat e transmetimit të ajrit nuk janë bindëse, transmeton KosovaPress.
“Sidomos në muajt e fundit, ne kemi theksuar në mënyrë të përsëritur që besojmë se transmetimi nga ajri është i mundur, por nuk ka prova të forta, apo edhe të qarta për këtë,” tha Benedetta Allegranzi, drejtore e programit të OBSH-së për parandalimin dhe kontrollin e infeksionit.
