8 orë më parëRevoltohen gratë në Turqi pas vrasjes makabre të një gruaje për çështje nderi
Periskopi(6 vite më parë)
(6 vite më parë)Vrasja e një gruaje 27 vjeçare nga ana e ish të dashurit të saj ka bërë që të pasojë revolta në Turqi, duke i hedhur dritë shkallës së lartë e shokuese të shkallës së femicidit dhe përpjekjeve qeveritare për të zmbrapsur legjislacionin që përpiqet të mbrojë gratë nga dhuna gjinore. Mbetjet e studentes Pënar Gyltekin […]
Mbetjet e studentes Pënar Gyltekin (Pinar Gultekin) u zbuluan në një pyll në provincën Egjeane të Muglas gjatë të martës. Sipas mediave turke, ajo isthe rragut dhe më pas i ishte zënë fryma derisa kishte vdekur nga ish partneri i saj, Xhemal Metin Avxhë (Cemal Metin Avci), që më pas e djegu trupin e saj dhe e vendosi në një kontejner dhe e mbuloi me beton. 32 vjeçari tashmë është arrestuar.
Një përkujtim për Gyletkinin dhe viktimat e tjera të femicidit është mbajtur në lagjen Beshiktash të Stambollit, e po ashtu edhe në tri qytete të tjera.
“Ne këtu jemi Pënari, do t’i mbajmë përgjegjës ata,” bërtisnin gratë duke valëvitur flamuj në ngjyrë rozë, shkruan The Guardian, përkthen në shqip Periskopi.
Dhuna kundër grave dhe të ashtuquajturat vrasje “nderi” janë pjesë e kulturës dhe tepër të përhapura në Turqi.
Sipas një studimi të vitit 2009 mbi strategjitë e parandalimit të kësaj gjëje, 42 për qind e grave mes moshës 15 dhe 60 vjeç kishin vuajtur dhunë fizike apo seksuale nga burrat ose partnerët e tyre.
Për çdo vit, problemi po bëhet edhe më keq: në vitin 2019, 474 gra ishin vrarë, shumica prej partnerëve dhe të afërmve, me shkallën më të lartë në dekadë në të cilën numrat janë rritur vit pas viti. Shifrat për vitin 2020, të shkaktuara nga karantinat e koronavirusit, pritet të jenë edhe më të larta. /Periskopi
