5 orë më parëRaporti mbi Rusinë në Britani hap frikë të madhe në opinion: “Top-shënjestër e sulmeve”
Periskopi(6 vite më parë)
(6 vite më parë)Komiteti për Inteligjencë dhe Siguri ka dhënë informacione mjaft shqetësuese në lidhje me problemin e interferimit rus në zgjedhje. Ky raport i shumëpritur i këtij komiteti thotë që influenca ruse në Britani të Madhe ishte “normaliteti i ri” dhe bëri thirrje për “veprim të menjëhershëm” për të ndihmuar në ballafaqimin e kërcënimit. Por, komiteti thotë […]
Ky raport i shumëpritur i këtij komiteti thotë që influenca ruse në Britani të Madhe ishte “normaliteti i ri” dhe bëri thirrje për “veprim të menjëhershëm” për të ndihmuar në ballafaqimin e kërcënimit.
Por, komiteti thotë se qeveria britanike “aktivisht ka shmangur” mundësinë e shqyrtimit të interferencës gjatë referendumit të BE-së.
Po ashtu thotë se “nuk kishte arsye” që publikimi i raportit të shtyhet, shkruan BBC, përkthen Periskopi.
Downing Street u akuzua se e kishte shtyrë raportin e komitetit që të publikohej para zgjedhjeve të dhjetorit në Britani – gjë që u mohua.
Kevan Jones në konferencë për shtypë tha se kryeministri Boris Johnson nuk kishte pasur asnjë arsye që ta shtyente publikimin e këtij raporti.
Hetimi i komitetit mbulon një numër të madh çështjesh, përfshirë edhe fushatat e dezinformatave, taktikat kibernetike dhe emigrantët rusë në Britani – duke thënë që Britania ishte “top shënjestër” për Rusinë.
Por, një pjesë e madhe e detajeve “tepër të ndjeshme” nuk do të publikohen për shkak të frikës se Rusia mund t’i përdorte provat për ta kërcënuar Britaninë.
Raporti thotë që Britania ishte “qartë një shënjestër” për fushatat e dezinformatave për zgjedhjet, por çështja ishte përshkruar si një “patate e nxehtë” – me asnjë organizatë që nuk merrte përgjegjësinë për ta sfiduar. /Periskopi
