8 orë më parëQindra elefantë vdesin në formë enigmatike: Nuk dihet nëse ka rrezik për njerëzimin
Periskopi(6 vite më parë)
(6 vite më parë)Më shumë se 350 elefantë kanë vdekur në veri të Botswanas në një formë misterioze në atë që nga shkencëtarët u quajt “katastrofë e konservimit”. Një grumbull vdekjesh të elefantëve së pari ishin raportuar në Okavango Delta në fillim të muajit maj, me 169 sosh. Deri në mes të qershorit, numri është dyfishuar, me 70 […]
Një grumbull vdekjesh të elefantëve së pari ishin raportuar në Okavango Delta në fillim të muajit maj, me 169 sosh. Deri në mes të qershorit, numri është dyfishuar, me 70 për qind të vdekjeve që ndodhën afër puseve me ujë, sipas burimeve lokale që deshën të mbesnin anonime.
“Kjo është një vdekje masive e atij niveli që nuk është parë qe një kohë shumë shumë të gjatë. Përveç thatësisë, nuk e di se çka tjetër mund të shkaktojë vdekje kaq të shumta,” tha Dr.Niall McCann, drejtor i konservimit të një Parku Nacional me bazë në Mbretërinë e Bashkuar, shkruan The Guardian, përkthen Periskopi.
Qeveria e Botswanas nuk ka testuar ende mostrat kështu që nuk ka ende ndonjë informacion mbi shkaktarin e vdekjeve ose nëse ka rrezik për shëndetin e njerëzimit. Dy prej mundësive janë edhe helmimi ose ndonjë patogjen i panjohur.
McCann më tej shtoi: “Kur kemi vdekje masive të elefantëve afër habitateve nejrëzore në kohën kur në mendje kemi kafshët (shkaku i koronavirusit), duket e jashtëzakonshme se si qeveria nuk ka dërguar mostrat në një laborator kredibil.”
Disa dëshmitarë lokalë kanë thënë t’i kenë parë elefantët duke ecur në rrathë, e cila gjë përbën indikacion për dëmtime neurologjike.
Elefantët që kanë vdekur janë të të gjitha grupmoshave dhe të të dyja sekseve, kanë thënë raportimet lokale.
Elefantët që aktualisht janë gjallë po ashtu janë dobësuar duke sugjeruar se vdekjet do të rriten në javët në vazhdim. /Periskopi
