4 orë më parëPolicia e Kosovës nuk është e krejt Kosovës: Polici nuk trajton qytetarin me të birin, pi cigare në zyre
Periskopi(6 vite më parë)
(6 vite më parë)Një qytetar nga Prizreni, duke mos pasur rrugë tjetër për të adresuar problemin e tij, i ka shkruar redaksisë së Periskopit duke dhënë informacione mjaft shqetësuese për Stacionin Policor në Komunën e tij. Gj.Sh. ka deklaruar se ishte në stacionin policor në Prizren me të birin e tij 13 vjeçar për të lajmëruar një rast […]
Gj.Sh. ka deklaruar se ishte në stacionin policor në Prizren me të birin e tij 13 vjeçar për të lajmëruar një rast mjaft të rëndë.
Ai deklaron se djali i tij i ishte rrahur para pesë muajsh, e tash edhe i ishte kërcënuar por Policia nuk ishte marrë fare me rastin e tij.
Por, gjatë ditës së sotme, më saktë rreth orës 19:00 të mbrëmjes Gj.Sh. thotë se zyrtari policor që shihet në fotografi, përveç që nuk është marrë me të (ashtu si zyrtari tjetër policor) dhe e ka lënë të pres, po ashtu ka tymosur duhan duke e shkelur edhe ligjin për mos-pirje të duhanit në ambiente të mbyllura, përcjell Periskopi.
Përveç kësaj, atij i ishte kërkuar maska që të hynte në stacionin policor ndërkohë që vetë policët nuk i kishin pasur ato.
Fotografia në fjalë ekziston në formatin origjinal dhe Periskopi pret që të kontaktohet nga Inspektorati policor që të përdoret për hetimin e tyre.
Qytetari deklaron se e ka thirrur numrin e inspektoratit policor në dispozicion, 080003333, por ai ka qenë i kontaktueshëm. Ndërkohë, në faqen e Inspektoratit shkruhet qartë se numri funksionon 24 orë në ditë, dhe pa pagesë. /Periskopi
