Ngrihen dyshime nëse eksperimentet në laboratorin në Wuhan shkaktuan Covid-19shin

Që nga pandemia e SARS-it në vitin 2003, hulumtuesit kinezë kanë gjurmuar shpellat që banoheshin ng lakuriqtë me shpresën se më pas do të analizonin koronavirusët e rinj potencialë.

Një prej shkencëtareve më të dalluara është Dr.Shi Zhengli, e njohur si “Gruaja lakuriq” nga kolegët e saj – që në shkurt publikoi artikullin më të gjatë akademik mbi koronavirusin e ri, shkruan Independent, përkthen Periskopi.

Përveç që ofron një përshkrim të plotë gjenetik të virusit, artikulli i Dr.Shi-së zbulon edhe se Laboratori në Wuhan (vendi ku shpërtheu virusi) kishte pasur një mostër të virusit të koleksionuar nga lakuriqtë me emër RaTG13, që thuhet se ishte 96,2 për qind i ngjashëm me virusin e Covid-19.

Konsensusi shkencor është se këta dy virusë megjithatë është e pamundur të jenë i njëjti virus, me disa prej shkencëtarëve që thonë se do të duheshin prej 20 deri në 50 vjet për ta lidhur atë dallim gjenetik prej 4 për qind mes të dyve.

Sidoqoftë, veprat e kaluara shkencore të bëra në Laboratorin e Wuhanit për të përmirësuar aftësinë e patogjeneve për të shkaktuar sëmundje, e njohur si “marrja e funksionit”, është dokumentuar në artikuj të publikuar mes 2015-s dhe 2017-s, e përshkruar si “eksperimentet e infektivitetit të virusit”.

Ndërsa shumica e shkencëtarëve besojnë që kodi gjenetik i Sars-Cov-2 është zhvilluar natyrshëm, dhe nuk është ingjinieruar, të tjerët besojnë se nuk duhet hedhur poshtë që dy virusët mund të jenë i njëjti.

Lloji i teknikave të kërkuara për ta kthyer RaTG13 në Sars-Cov-2 janë “identike” si ato me të cilat ishte punuar në Wuhan, pretendon profesori Richard Ebright nga Universiteti i Rutgersit në New Jersey. /Periskopi