4 orë më parëMiftaraj reagon ashpër ndaj gjuhës së VV-së pasi Pacolli i tha “këlysh” Hotit
Periskopi(6 vite më parë)
(6 vite më parë)Drejtori ekzekutiv i Institutit të Kosovës për Drejtësi (IKD), Ehat Miftaraj ka reaguar pas postimit të deputetes së Lëvizjes Vetëvendosje, Fitore Pacolli, e cila kryeministrin Avdullah Hoti e quajti “këlysh i Thaçit”. Miftaraj, përmes një postimi në Facebook, ka thënë se secila parti ka të drejtë të kritikojë qeverinë në pushtet për mënyen e udhëheqjes […]
Miftaraj, përmes një postimi në Facebook, ka thënë se secila parti ka të drejtë të kritikojë qeverinë në pushtet për mënyen e udhëheqjes mirëpo sipas tij gjuha denigruese që e prekë dinjitetin njerëzor është e ulët dhe e papranueshme.
“Kushdo që luan rolin e opozitarit dhe përdor gjuhë denigruese apo fjalë si këlysh, zeza, koti dhe këtë e bën shprehi, duhet me kuptu se me këtë qasje nuk po i ofendoni vetëm politikanët”, ka shkruar ai.
Postimi i plotë i Miftarajt:
“Secila parti politike në opozitë e ka të drejtën e botës me kritiku qeverinë në pushtet për mënyrën e udhëheqjes, keqmenaxhimin, ekspozimin e aferave korruptive, etj etj.
Ama gjuha denigruese në mënyrë sistematike që prek dinjitetin njerëzor është e ultë dhe e papranueshme.
Kushdo që luan rolin e opozitarit dhe përdor gjuhë denigruese apo fjalë si këlysh, zeza, koti dhe këtë e bën shprehi, duhet me kuptu se me këtë qasje nuk po i ofendoni vetëm politikanët.
Me këtë sjellje të pahijshme po edukoni në mënyrën më të keqe fëmijët tuaj, sikurse po shërbeni si shembulli më i keq edhe për rininë tonë, se kur keni me dikend mos pajtim mundeni me ofendu me fjalë që goja e një njeriu normal dhe me edukate minimale nuk i përdor.
Nuk i fuqizoni argumentet tuaja duke ofenduar njerëz, përkundrazi e ulni vlerën e argumenteve dhe qëllimit të vërtetë për të bërë opozitë.
Për keqardhje ky lloj i opozitarizmit”, ka shkruar Miftaraj, përcjell Telegrafi.
Nryshe, deputetja e Lëvizjes Vetëvendosje, Fitore Pacolli, duke cituar shefin e diplomacisë serbe, Ivica Daçiq, ka akuzuar kryeministrin Avdullah Hoti, se ka pezulluar fushatën e anëtarësimit të Kosovës në organizata ndërkombëtare dhe angazhimi për njohje.
Pacolli, përmes një postimi në Facebook, ka thënë se “heqja dorë edhe pa afat nga anëtarësimi në organizata ndërkombëtare dhe angazhimi për njohje të reja rrezikon të bëhet një fusnotë e dytë që do të përcjell Kosovën edhe për shumë vite tjera”.
“Në vitin 2012, Thaçi dhe e deleguara e tij në dialog, Edita Tahiri, reduktuan Republikën e Kosovë në Kosovo*. U tha se fusnota do të shkrihet si një fluskë bore e cila asjëherë nuk u shkri përkundër verave të nxehta dhe dimrave të butë. 9 vjet pas, qershor 2020, Thaçi dhe këlyshi tij Hoti bënë një hap tutje. Për interesat e Vuçiqit dhe shefit të tij Thaçit, Hoti hoqi dorë nga aplikimi për anëtarësim në organizata ndërkombëtare sic e tha “deri me datë 27 qershor 2020”. Sot jemi 20 korrik 2020 por nuk ka akoma asnjë deklarim nga asnjëri rreth këtij pezullimi”, ka shkruar Pacolli. /Telegrafi/
