7 orë më parëMbetet e pa definuar çështja e ambasadorëve dhe konsujve politikë
Periskopi(6 vite më parë)
(6 vite më parë)Ndër vendimet e para të Qeverisë Kurti ishte shfuqizimi i vendimeve të marra nga qeveria paraprake e drejtuar nga Ramush Haradinaj, por një praktikë të tillë po e ndjek edhe qeveria aktuale e drejtuar nga Avdullah Hoti. Njëri nga këto vendime që ka shfuqizuar Qeveria Hoti lidhet me kthimin e konsujve diplomatikë. E më këtë […]
Ndër vendimet e para të Qeverisë Kurti ishte shfuqizimi i vendimeve të marra nga qeveria paraprake e drejtuar nga Ramush Haradinaj, por një praktikë të tillë po e ndjek edhe qeveria aktuale e drejtuar nga Avdullah Hoti.
Njëri nga këto vendime që ka shfuqizuar Qeveria Hoti lidhet me kthimin e konsujve diplomatikë. E më këtë vendim nuk është pajtuar ish-ministri i Jashtëm Glauk Konjufca.
Njohësi i çështjeve politike Visar Xhambazi thotë se shfuqizimi i këtij vendimi nuk është i qëlluar. Sipas tij të emëruarit politik në misione diplomatike pas përfundimit të mandatit do të duhej të ktheheshin vet.
“Ish-ministri i jashtëm Glauk Konjufca kishte marrë vendim pasi numri i ambasadorëve të emëruar politikë kishte tejkaluar emërimet politike me ligj. Ligji për shërbim të jashtëm potencon se të emëruarit politikë duhet të jenë 50% , ndërsa gjysma tjetër duhet të jenë ambasadorë të karrierës, prandaj kur të kalojë mandati katër vjeçar ata nuk kanë mandat për të qëndruar në pozitat e tyre. Për më tepër, të emëruarit politikë pasi të përfundojnë mandatin katër vjeçar nuk konsiderohen më pjesë e shërbimit të jashtëm diplomatikë”, deklaroi për RTV Dukagjinin, Visar Xhambazi.
Vendimi i marrë nga ish-ministri i Jashtëm Glauk Konjufca nuk mundi të implementohet pasi Presidenti Thaçi nuk kishte dekretuar këtë vendim.
