5 orë më parëIshin në vijën e parë të luftës ndaj Covid-19, mjekët kërkojnë paga shtesë pasi u rrëzua Ligji i Pagave
Periskopi(6 vite më parë)
(6 vite më parë)Kryetari i Federatës së Sindikatave të Shëndetësisë së Kosovës, Blerim Syla ka folur për situatën e re në këtë sektorë pas anulimit të Ligjit të Pagave. Syla në “Debat Plus” ka thënë se vendimi për anulimin e Ligjit të Pagave ka qenë politikë. “Derisa ka qenë në dorë të qeverisë ligji ka shkuar shumë mirë. […]
Kryetari i Federatës së Sindikatave të Shëndetësisë së Kosovës, Blerim Syla ka folur për situatën e re në këtë sektorë pas anulimit të Ligjit të Pagave.
Syla në “Debat Plus” ka thënë se vendimi për anulimin e Ligjit të Pagave ka qenë politikë.
“Derisa ka qenë në dorë të qeverisë ligji ka shkuar shumë mirë. Në momentin kur shkoi në Kuvend grupe të ndryshme të interesit kanë filluar të influencojnë dhe u kanë dhënë shanse grupeve të ndryshme që ta ankimojnë ligjin”, tha ai.
Kryetari i Federatës së Sindikatave të Shëndetësisë së Kosovës thotë se në emër të disa sindikatave janë atakuar grupe të mëdha të punëtorëve.
Syla megjithatë thotë se Ligji i Pagave vështirë se do të bëhet në një kohë të shpejt pavarësisht vullnetit të Besnik Tahiri.
Ai thotë se është shumë e vështirë nga sindikatat që të menaxhojnë tashmë punëtorët pas këtij vendimi të Gjykatës Kushtetuese.
Kryetari i Federatës së Sindikatave të Shëndetësisë së Kosovës thotë se deri në aprovimin e ligjit të ri të Pagave duhet të ketë një rritje për personelin shëndetësorë.
“Sot kemi bërë një memorandum bashkëpunimi mes pesë sindikatave shëndetësore ku kërkesë është që deri në aprovimin e ligjit të ri të bëhet një shtesë e pagës”, tha ndër të tjera Blerim Syla.
