Ishin mbështetëse të dëshmitarëve të Jehovait, nëna dhe vajzat në Shqipëri dyshohet se u vetëflijuan

Detaje të reja dalin në dritë nga vetëflijimi i nënës dhe së bijës së saj që tronditi Tiranës mbrëmjen e djeshme (2 korrik).

Ka qenë kunati i Zhaneta Josifit ai që është shprehur se kishte më shumë se dy muaj që nuk e shikonte këtë të fundit.

Sipas tij ajo nuk e lejonte që të dilte as vajzën e saj, Anisa Josifin.

Ai shton se ato janë rekrutuar në Përmes si fillim dhe më pas mësimet i kanë marrë te qendra në zonën e Selvisë në kryeqytet.

Kunati i Zhanetës: Kisha më shume se 2 muaj që nuk i shihja fare Zhanetën dhe Blertën. I shkova në shtëpi kërkova Anisën me tha nuk e lëmë të dalë se nuk ka bërë ditët e Zotit. Anisën kisha që në mars të 2019 që nuk e shikoja fare.

I kam folur dhe për punën e fesë, por me urrenin. Në fillim janë rekrutuar në Përmet pastaj librat i kanë marrë tek një qendër te Selvia. Dy javë më parë shkova të takoja posaçërisht Anisën, por nuk me lejuan me ndaluan tek dera. Ato nuk ushqeheshin.

Ndërkohë, 34-vjeçarja Blerta Josifi është transferuar te urgjenca e psikiatrisë  dhe është në gjendje të stabilizuar shëndetësore.

Ajo në dëshminë para grupit hetimor është shprehur se: Ju nuk e keni idenë se sa sakrifica bëjmë ne për të arritur ringjalljen.

Dyshohen se u vetëflijuan, vajzat dhe nëna ishin mbështetëse të dëshmitarëve të Jehovait

Drejtori i policisë së Tiranës, Rebani Jaupaj dha detaje nga ngjarja e rëndë që tronditi Tiranën mbrëmjen e sotme, ku një nënë dhe vajza e saj 30 vjeçe u gjetur të vdekura në banesë, ndërsa vajza tjetër 34 vjeçe është dërguar në gjendje të rëndë në spital.

Mësohet se nëna dhe vajzat ishin mbështetëse të dëshmitarëve të Jehovait. Këto janë vetëm dyshime pasi në vijim pritet të zbardhen detaje.

Jaupaj tha se në banesën e tyre janë gjetur shënime të ndryshme me përmbajtje fetare.

Rebani Jaupi: ”Paraprakisht eksperti mjeko-ligjor komunikoi dhe të dy viktimat nuk kishin shenja jete por mendohet se mund të jenë vetëflijuar, grupi hetimor vazhdon hetimet. Po grumbullojmë të gjitha provat materiale në ambientet e banesës. Kemi gjetur shënime të ndryshme me përmbajtje fetare. Të dyja vajzat kanë qenë të arsimuara, kanë mbaruar shkollën e lartë por ishin të papuna. Në konstruktin e tyre shihet që ka shenja të mosushqyerjes ditët e fundit. Do të japim një deklarim më të saktë pasi të dalë ekspertiza mjeko-ligjore.”

Paraprakisht nga veprimet e para hetimore dyshohet se janë vetëflijuar.