Hoti pret drejtuesit e sindikatës së Telekomit: Vazhdoni të ofroni shërbime, do të gjejmë zgjidhje për ju

Në njoftimin për media të Qeverisë thuhet se Hoti i ka siguruar sindikatën se Qeveria do të gjejë një zgjidhje të favorshme.

“Kryeministri i Qeverisë së Republikës së Kosovës, Avdullah Hoti priti sot drejtuesit e Sindikatës së Telekomit, të cilët i siguroi se Qeveria e Kosovës është e përkushtuar për të gjetur në një afat optimal një zgjidhje të favorshme për këtë kompani me interes strategjik për ekonominë e vendit”, thuhet në njoftim.

Po ashtu, kryeministri Hoti kërkoi që Telekomi të vazhdojë t’u ofrojë shërbimet e veta qytetarëve, ndërkohë që Qeveria do ta ketë prioritet stabilizimin dhe rivitalizimin e Telekomit.