Deliu: Serbia i dhuroi botës përdhunues grash e vajzash, ne i dhuruam Rita Orën, Bebe Rexhën, Era Istrefin

Deputetja e PDK-së, Blerta Deliu, thotë se serbëve iu pengon senzibilizimi i subjektit të shtetësisë së Kosovës.

Deliu përfshihet kështu në debatin / thirrjen që Apple ta vendosë Kosovën në hartë:

Serbëve, natyrisht se ju pengon sensibilizimi i subjektivitetit ndërkombëtar të shtetësisë së Kosovës, të cilin artistet tona; Rita Ora, Dua Lipa, Bebe Rexha, Ava Max, Era Istrefi e lobojnë vazhdimisht dhe më fuqishëm se çdo dimplomaci në të gjitha poret e shoqërive të botës nëpërmjet ndikimit artisitik global të tyre.

Ato janë pasqyra jonë kulturore që na krenon në botë! Këtë identitet të formimit kulturor të të shqiptarëve – të përqafuar globalisht, Serbia nuk mund ta kapërdijë lehtë.

Ata i dhuruan botës përdhunues grash e vajzash, kurse ne, Rita Orën, Dua Lipën, Bebe Rexhën, Ava Max, Era Istrefin…

Kujtojmë se edhe sot në shumicën e debateve publike në Serbi “elita intelektuale” atje ende e vajtojnë themelimin e Universitetit të Prishtinës atëkohë, duke mos u pajtuar kurrsesi me edukimin e shqiptarëve.

Fushata e fundit kundër artisteve tona dhe kërkesa mëse humane e tyre e përfshirjes së shtetit të Kosovës në aplikacionin e hartës së “Apple” rizbulon botërisht fytyrën e vërtetë të shoqnisë serbe, të kurthuar thellë në racizëm dhe padurueshmëri ndaj tjetrit.

Rita Ora, Dua Lipa, Bebe Rexha, Ava Max, Era Istrefi, tashmë e kanë vendosur Kosovën në hartën e kulturës botërore. Mosvendosja e shtetit të Kosovës në aplikacionin e hartës së “Apple” nuk është thjesht mosnjohje teknikalisht e shtetit të Kosovës, por mohim i këtij identiteti kulturor e njerëzor që përfaqësojnë Rita, Dua, Bebe e shumë të tjera.