5 orë më parëÇështja e të pagjeturve: Kosova përfaqësohet nga Driton Selmanaj dhe Ibrahim Makolli në Bruksel
Periskopi(6 vite më parë)
(6 vite më parë)Zëvendëskryeministri i Kosovës Driton Selmanaj bashkë me kryesuesin e delegacionit të Kosovës në grupin punues për çështjen e zhdukurve Ibrahim Makolli do të jenë përfaqësuesit e Kosovës në takimin e radhës të dialogut me Serbinë në Bruksel. Klan Kosova mëson ekskluzivisht se këta do të nisën nesër për Bruksel derisa takimi do të mbahet pasnesër […]
Zëvendëskryeministri i Kosovës Driton Selmanaj bashkë me kryesuesin e delegacionit të Kosovës në grupin punues për çështjen e zhdukurve Ibrahim Makolli do të jenë përfaqësuesit e Kosovës në takimin e radhës të dialogut me Serbinë në Bruksel.
Klan Kosova mëson ekskluzivisht se këta do të nisën nesër për Bruksel derisa takimi do të mbahet pasnesër që temë diskutimi ka bisedimet për personat e zhdukur dhe të zhvendosur në nivelin teknik. Po ashtu, ata do të diskutojnë edhe për çështjet e tjera që u folën nga kryeministri AvdullahHoti dhe presidenti Aleksandar Vuçiq.
Nuk përjashtohet mundësia që pjesë e këtij takimi të jetë edhe Skënder Hyseni që u emërua koordinator shtetëror për dialogun Kosovë-Serbi.
Temën e diskutimit e ka konfirmuar për Klan Kosovën edhe zëdhënësja e emisarit të BE-së për dialogun Kosovë-Serbi, Miroslav Lajçak.
“Takimet në nivelin e ekspertëve të planifikuar për më vonë këtë javë, do të vijojnë me çështjet e diskutuara midis liderëve javën e kaluar”.
Nga pala serbe nuk dihet kush do të marrë pjesë.
Klan Kosova ka provuar të kontaktojë Selmanajn dhe Makollin, por që të dy kanë qenë të paqasshëm.
Ky është takimi i dytë me radhë që nga rifillimi i dialogut mes Kosovës dhe Serbisë i lehtësuar nga BE-ja që nga vjeshta e vitit 2018. Ndërkaq, Hoti dhe Vuçiq do të fillojnë raundin e dytë të takimeve në shtator – muaj ky që u paralajmërua nga BE se do të jetë intensiv në procesin e pajtimit të kosovarëve dhe serbëve.
