5 orë më parëBrenda ditës: Pasuria e Jeff Bezos u rrit për 13 miliardë dollarë
Periskopi(6 vite më parë)
(6 vite më parë)Brenda një dite, pasuria e pronarit të kompanisë Amazon, Jeff Bezos, shënoi rritje prej 13 miliardë dollarësh. Kjo ndodhi pasi të hënën vlera e aksioneve të kompanisë së tij regjistroi ngritje 7.9 përqind, raporton revista Bloomberg. Kjo është rritja më e madhe e pasurisë brenda një dite, që nga viti 2012, kur kjo revistë filloi […]
Brenda një dite, pasuria e pronarit të kompanisë Amazon, Jeff Bezos, shënoi rritje prej 13 miliardë dollarësh.
Kjo ndodhi pasi të hënën vlera e aksioneve të kompanisë së tij regjistroi ngritje 7.9 përqind, raporton revista Bloomberg.
Kjo është rritja më e madhe e pasurisë brenda një dite, që nga viti 2012, kur kjo revistë filloi të raportojë për shifrat e pasurisë së miliarderëve.
Bezos, 56 vjeç, është njeriu më i pasur në botë me 189 miliardë dollarë.
Që nga fillimi i këtij viti pasuria e tij është shtuar për 74 miliardë dollarë, pavarësisht faktit që Shtetet e Bashkuara shënuan krizën më të madhe ekonomike – të shkaktuar nga përhapja e koronavirusit – që nga Depresioni i Madh i viteve 1930.
Gjatë kohës së pandemisë, shitjet online përmes kompanisë Amazon shënuan rritje.
Vlera në treg e kësaj kompanie vlerësohet në më shumë se një mijë miliardë dollarë.
Pasuria personale e Bezos është më e madhe sesa vlera e tregut e gjigandëve si Exxon Mobil Corp., Nike Inc., McDonald’s Corp. dhe korporatat e tjera.
Pasuria e ish-gruas së Bezos, Mackenzie u rrit ndjeshëm të hënën – me 4.6 miliardë dollarë, duke u bërë personi i 13-të më i pasur në botë.
Në vendin e dytë pas Jeff Bezos është Bill Gates me 118 miliardë dollarë.
