6 orë më parëBelgjika vazhdon hetimet për vrasjen e kryeministrit të parë demokratik të Kongos 60 vjet pas vrasjes
Periskopi(6 vite më parë)
(6 vite më parë)Prokurorët belgë po hetojnë nëse mund t’i konfirmojnë aktakuzat kundër njerëzve të dyshuar për pjesëmarrjen në vrasjen e liderit të parë të Kongos të zgjedhur në mënyrë demokratike, Patrice Lumumbas, para 60 vitesh. Prokurori federal i Belgjikës, Frederic Van Leeuw tha të mërkurën se “janë në proces të shqyrtimit të aktakuzës. Faktet janë kualifikuar si […]
Prokurori federal i Belgjikës, Frederic Van Leeuw tha të mërkurën se “janë në proces të shqyrtimit të aktakuzës. Faktet janë kualifikuar si krime lufte, që janë konfirmuar edhe nga Gjykata e Apelit në Bruksel. Kjo nënkupton që nuk do të ketë statut të kufizimeve për krimin.”
Autoritetet belge kanë njoftuar për nisjen e një hetimi për vrasjen e vitit 1961 qysh më 2012, pas kërkesës së bërë nga familja e Lumumbas, raporton The Guardian, përcjell Periskopi.
Van Leeuw tha për mediat belge se hetimi do të mbetej i hapur.
“Janë ende dy persona gjallë. Është simbolikisht e rëndësishme që sistemi i drejtësisë të merret me këtë rast.”
Lumumba ishte bërë kryeministri i parë i Republikës Demokratike të Kongos, disa ditë pasi vendi i tij të fitonte pavarësinë nga Belgjika më 30 qershor të vitit 1960.
Ai kishte indinjuar liderët belgë me një fjalim në ceremoninë e ditës së pavarësisë duke përmendur “ironitë, fyerjet dhe goditjet” që kongolezët kishin vuajtur “mëngjes, ditë e natë” gjatë regjimit kolonial të Belgjikës.
Lumumba ishte vrarë nga një skuadër pushkatimi në janarin e vitit 1961 në Katanga nga rebelët kongolezë me oficerët belgë të pranishëm. Kishte qenë vetëm 35 vjeçar.
Për vrasjen e tij ishin implikuar qeveria e Belgjikës, CIA dhe MI6./Periskopi
