7 orë më parë746 të arrestuar pasi Policia deshifron rrjetin social top-sekret të kriminelëve
Periskopi(6 vite më parë)
(6 vite më parë)Një sistem top-sekret i komunikimeve që përdorej nga kriminelët për të tregtuar drogë dhe armë është “penetruar me sukses”, kanë thënë nga Agjencia Kombëtare e Krimit (NCA). Agjencia Kombëtare e Krimit kishte punuar me forca të ndryshme anë e mbanë Evropës në operacionin “më të madh e domethënës” të sundimit të ligjit. Figura të rëndësishme […]
Agjencia Kombëtare e Krimit kishte punuar me forca të ndryshme anë e mbanë Evropës në operacionin “më të madh e domethënës” të sundimit të ligjit.
Figura të rëndësishme të krimit ishin mes 746 kriminelëve të arrestuar pasi mesazhet në EncroChat ishin interceptuar dhe deshifruar, shkruan BBC, përkthen Periskopi.
Më shumë e dy tonë drogë, një numër i madh armësh dhe 54 milionë funte në kesh janë konfiskuar tashmë.
Zyrtarët thuhet të kenë parandaluar me anë të këtij operacioni vrasjen e shumë njerëzve pasi në mënyrë të fshehtë kishin monitoruar planet për sulme dhe kërcënime me jetë në shërbimin e koduar të mesazheve.
Sipas kësaj agjencie, ky operacion – që kishte zgjatur për mbi tre muaj – do të kishte impaktin më të madh ndaj bandave të krimit të organizuar ndonjëherë.
Besohet që rreth 60 mijë njerëz, mes tyre 10 mijë britanikë, ishin pjesë e platformës franceze Encro-chat, që tashmë është rrëzuar dhe nuk funksionon.
Sistemi operoi në telefonë të përshtatur Android, dhe sipas faqes në internet ofronte “komunikime të sigurta e pa brenga”.
Agjencia tha se sistemi i mesazheve ishte përdorur si një “treg kriminal” për të koordinuar furnizimet me drogë të klasit të parë në mbarë botën, dhe për të importuar armë të ndryshme.
