6 orë më parëVotime në tetë shtete amerikane
Periskopi(6 vite më parë)
(6 vite më parë)Tetë shtete dhe Distrikti i Kolumbias po zhvillojnë zgjedhjet paraprake të martën, testi më i madh i gatishmërisë së zyrtarëve për të menaxhuar një rritje të fletëvotimeve me postë dhe rreziqet e sigurisë nga votimi fizikisht gjatë pandemisë së koronavirusit. Dita më e madhe e votimeve që nga fillimi i pandemisë do të shërbejë si […]
Dita më e madhe e votimeve që nga fillimi i pandemisë do të shërbejë si një provë për zgjedhjet e përgjithshme të 3 nëntorit, duke ofruar një paraqitje të shkurtër të sfidave që shtrihen përpara në një shkallë kombëtare, nëse votimi do të kryhet nën një kërcënim të zgjatur nga COVID-19.
Votimi në zgjedhjet e së martës mund të jetë i ndërlikuar në disa zona nga protestat masive pas vdekjes së një burri afrikano-amerikan që mbahej nga policia në Minesota javën e kaluar. Kryetari i bashkisë së Filadelfias tha që një shtetrrethimi i qytetit nuk do të zbatohej deri në 30 minuta pas mbylljes së kutive. Gjithashtu, votuesit dhe punonjësit e qendrave të votimit në Uashington do të përjashtohen nga shtetrrethimi në këtë qytet, tha kryebashkiakja e kryeqytetit.
Katër nga shtetet ku votohet – Pennsylvania, Indiana, Maryland dhe Rhode Island – i shtynë votimet e tyre paraprake nga fillimi i vitit për të shmangur më të keqen nga shpërthimi i koronavirusit që ka vrarë më shumë se 104,000 njerëz në Shtetet e Bashkuara.
Të gjitha shtetet, të cilat përfshijnë edhe shtetet Iowa, Montana, New Mexico dhe Dakota e Jugut, kanë inkurajuar ose zgjeruar votimin me postë si një alternativë e sigurt për votim.
Kjo ka çuar në një numër rekord të votave me postë të kërkuara ose të hedhura në shumë shtete, së bashku me një shpërthim pyetjesh, konfuzioni dhe raportime për vonesa, apo humbje të aplikimeve për fleta votimi.
Shumica e shteteve gjithashtu do të zvogëlojnë ndjeshëm numrin e vendvotimeve në person, pasi zyrtarët po vështirësohen në rekrutimin e punonjësve të mjaftueshëm për t’i menaxhuar ato.
