4 orë më parëVokalisti i Trojës në krah të VV-së, por gruan e punësoi në shtet në lidhje politike me PDK-në
Periskopi(6 vite më parë)
(6 vite më parë)Vokalisti i Trojës, Bujar Berisha, i cili i doli në krah Lëvizjes Vetëvendosje, duke marrë pjesë dhe duke performuar në tubimin e saj më 12 qershor në Prishtinë, del se në të kaluarën ka përfituar nga nepotizmi dhe lidhjet politike. Burime të Periskopit thonë se gruaja e tij, Vlora Merovci, ka qenë e punësuar në […]
Vokalisti i Trojës, Bujar Berisha, i cili i doli në krah Lëvizjes Vetëvendosje, duke marrë pjesë dhe duke performuar në tubimin e saj më 12 qershor në Prishtinë, del se në të kaluarën ka përfituar nga nepotizmi dhe lidhjet politike.
Burime të Periskopit thonë se gruaja e tij, Vlora Merovci, ka qenë e punësuar në dy Ministri të udhëhequra nga PDK, si dhe në Zyrën e Kryeministrit.
Ajo, siç mësohet, kishe zënë vend në institucionet e Kosovës si e emëruar politike, për ta ushtruar detyrën e zyrtares për protokoll.
Solisti Berisha, ndryshe i njohur si “Zdrali”, me përfshirjen e tij në aktivitetin e Vetëvendosjes së Albin Kurtit ka shkaktuar edhe çarjen e rock bendit Troja, anëtarët e të cilit për këtë arsye sot kanë njoftuar për fundin e kapitullit të tyre.
“Pas gati 30 vjetësh, Troja mbyll kapitullin e saj. Muret e Trojës janë përçarë. Përkundër që politika është munduar të identifikohet me neve, Troja asnjëherë nuk ka këndu në ‘ahengje’ të organizuara nga ata”, thuhet në deklaratën e Grupit Troja.
