Veseli: Dita Ndërkombëtare e Refugjatëve, na kujton ditët më të rënda për popullin tonë

Kryetari i PDK-së Kadri Veseli shkruan se Dita Ndërkombëtare e Refugjatëve, ia kujton Kosovës ditët më të rënda për popullin e saj.

Ai shkruan:

Dita Ndërkombëtare e Refugjatëve, na kujton ditët më të rënda për popullin tonë në fund të shekullit të shkuar, kur kolona të pambarim, me dhimbjen në shpirt, janë larguar dhunshëm nga shtëpitë e veta. Të qenët refugjat është e rëndë, posaçërisht për pjesëtarët e kombit tonë që përjetuan përndjekjen dhe gjenocidin serb.

Ishte fat tragjik për shumë kombe e popuj, andaj kujtojmë dhimbjen, pabarazinë edhe në nivel global, të gjithë ata që u bënë pjesë e fatit tragjik të refugjatit.