Tronditëse dhe misterioze: Ushtarët kinezë dhe indianë luftuan dhe u vranë me gurë derisa fuqitë nukleare vazhdojnë heshtjen

Edhe Pekini ka ofruar tepër pak informacion në lidhje me incidentin e dhunshëm, por media shtetërore u duk ta pranonte gjatë ditës së martë se kishte pasur edhe viktima kineze.

Një ditë pas raportimeve për të vrarët e parë në zonën e kontestuar territoriale, mediumet indiane filluan të emëronin disa prej të vdekurve.

Vrasjet kishin ndodhur kur një ekip patrollues me ushtarë indianë papritmas ishte ndeshur me trupat kineze në një seksion të ngushtë të një rajoni malor, shkruan The Guardian, përkthen Periskopi.

Dy ushtritë ishin përplasur fizikisht me njëra-tjetrën – pasi asnjëra palë nuk kishte qenë e armatosur shkaku i mundësisë së eskalimit të ndonjë konflikti mes fqinjëve me armë nukleare.

Më pas një komandant indian ishte shtyer dhe kishte rënë poshtë duke vdekur nga një gjë e tillë.

Përforcimet ishin thirrur nga indianët, dhe rreth 600 burra po luftonin me gurë, shufra hekuri dhe me armë të improvizuara pothuaj në terr të plotë për gati gjashtë orë, kanë thënë burimet nga qeveria e Indisë.

Organizata e Kombeve të Bashkuara dhe administrata amerikane kanë shprehur shqetësim për këtë shpërthim dhune mes ushtarëve indianë dhe kinezë për kufirin e kontestuar në Himalaje.

Sekretari gjeneral i OKB-së, Antonio Guterres, i bëri thirrje të dyja palëve që të ushtronin “përmbajtje maksimale”.

Mediat indiane kanë raportuar se po zhvilloheshin bisedime mes zyrtarëve më të lartë të ushtrisë indiane në ministrinë e mbrojtjes.

Lideri i Kongresit Indian, Rahul Gandhi, e ka goditur kryeministrin e vendit, Narendra Modin, duke pyetur “Pse po hesht kryeministri?”

“Mjaft është mjaft. Na duhet të kuptojmë se çka ndodhi. Qysh guxon Kina të vras ushtarët tanë? Qysh guxojnë ata të marrin tokën tonë.”

Ushtritë e të dyja vendeve e kanë fajësuar njëra-tjetrën për konfliktin. /Periskopi