4 orë më parëTrazirat në Amerikë: Kush ishte në të vërtetë George Floyd, i vrari nga policia amerikane?
Periskopi(6 vite më parë)
(6 vite më parë)Më 25 maj, u publikuan pamjet se si një polic amerikan me emrin Derek Chauvin e kishte arrestuar një burrë me ngjyrë duke i vënë gjurin në qafë derisa ai bërtiste “Nuk mund të marrë frymë”. Floyd më pas do të vdiste nga asfiksia traumatike, por përkundër keqtrajtimit brutal kishte pasur edhe probleme të tjera […]
Në fakt, nga videoja e bërë nga një dëshmitar, shfaqej i arrestuari Floyd derisa përsëriste “Ju lutem,” “nuk mund të marrë frymë”, dhe “mos më vrisni”.
Të përfshirë në arrestimin e tij, përveç Derek Chauvinit kishin qenë edhe Tou Thao, J.Alexander Kueng dhe Thomas K.Lane. Që të katër policët do të shkarkoheshin nga puna menjëherë ditën e nesërme.
Floyd ishte arrestuar pasi kishte tentuar të paguante me 20 dollarësh të falsifikuar në një dyqan kinez.
Por, kush ishte George Floyd?
George Perry Floyd ishte një 46 vjeçar afrikano-amerikan i lindur në Fayetteville të Karolinës së Veriut por ishte rritur në Houston të Texasit.
Gjatë kohës së vrasjes, Floyd kishte qenë një papunë shkaku i koronavirusit ndërsa më parë kishte punuar si roje sigurimi në një restorant në Minneapolis për pesë vjet rresht, shkruan Periskopi.
Floyd kishte qenë në shkollën e mesme Yates, dhe kishte luajtur në ekipet e futbollit amerikan dhe të basketbollit të kësaj shkolle. Ai kishte qenë një yll në këto ekipe për Yates-in, duke i ndihmuar ata që të fitonin ndeshjen finale të kampionatit shtetëror të vitit 1992.
Ai kishte luajtur edhe basketboll për Kolegjin Komunitar të Floridës Jugore prej 1993-s e deri në vitin 1995.
Më pas, i ndjeri ishte kthyer në Houston dhe ishte bashkuar në grupin e hip-hopit Screwed Up Click (Klika e Shkërdhyer). Kishte bërë ‘rap” nën emrin skenik “Big Floyd” (Floydi i Madh).
Prej 2014-s kishte shkuar në Minnesota, dhe kishte jetuar në St.Louis Park ku punoi në pesë vitet e fundit si roje sigurimi. /Periskopi
