2 orë më parëShtimi i rasteve me koronavirus, Mali i Zi mbyll kufirin me Shqipërinë
Periskopi(6 vite më parë)
(6 vite më parë)Mali i Zi ka vendosur të mbyllë kufirin me shqipërinë, pas shtimit të rasteve me COVId-19 në vendin tonë. Ky vendim i qeverisë malazeze bëhet për të parandaluar përhapjen e koronavirusit në vendin fqinj. Javën e fundit në vendin tonë shifrat e të infektuarve kanë qenë shumë të larta, me rekordin që u arrit ditën […]
Mali i Zi ka vendosur të mbyllë kufirin me shqipërinë, pas shtimit të rasteve me COVId-19 në vendin tonë.
Ky vendim i qeverisë malazeze bëhet për të parandaluar përhapjen e koronavirusit në vendin fqinj.
Javën e fundit në vendin tonë shifrat e të infektuarve kanë qenë shumë të larta, me rekordin që u arrit ditën e martë me 82 raste në 24 orë.
Kufijtë tokësorë me Malin e Zi Shqipëria i hapi në datën 1 qershor, ndërsa kjo mbyllje e dyë nuk dihet se sa do të zgjasë.
Lajmin e ka bërë të ditur Ministria e Jashtme, ndërsa mbyllja e kufijve do të fillojë nga dita e nesërme.
Njoftimi i Ministrisë:
Ministria për Evropën dhe Punët e Jashtme njofton se Njësia Operacionale e Krizës së Qeverisë së Malit të Zi ka vendosur sot të rishikojë listën e vendeve që do të lejohen të hyjnë në territorin e tij në kuadër të luftës kundër koronavirusit COVID-19.
Nisur nga numri në rritje i shtetasve të infektuar aktiv në vendin tonë, që aktualisht e kalon numrin 700 (limit ky i vendosur më parë nga autoritetet malazeze dhe që e kalon shifrën 25 të infektuar për 100.000 banorë), autoritetet malazeze kanë vendosur të mbyllin kufijtë tokesorë me Shqipërinë dhe të lejojnë hyrjen tranzit në territorin malazez vetëm për shtetasit që prezantojnë në kufi dokumentin e testimit negativ ndaj COVID-19, të kryer brenda 48 orëve.
Nga ky kufizim përjashtohen udhëtarët që kanë një funksion/nevojë thelbësore, si:
– profesionistët shëndetësorë, kërkuesit mjekësorë;
– personeli i angazhuar me transportin e mallrave dhe çdo personel tjetër transporti;
– diplomatët, stafi i organizatave ndërkombëtare, personeli ushtarak dhe punonjës të ndihmës humanitare gjatë ushtrimit të funksioneve të tyre;
– Kategori të veçanta pasagjerësh në tranzit;
– Personat që kanë nevojë për mbrojtje ndërkombëtare në Malin e Zi, ose për arsye të tjera humanitare.
Ky regjim fillon prej mesnatës së të dielës, datë 21 qershor 2020, dhe është i vlefshëm deri në një vendim të dytë të Njësisë Operacionale të Krizës në Podgoricë.
