Shkatërrohet karriera politike e Eliot Engelit: Miku i shqiptarëve bën skandal të pabesueshëm në ShBA

Ai po thoshte me mikrofonin ndezur se donte vëmendje mediale në një event lokal për protestat në ShBA ndaj brutalitetit policor vetëm për shkak të kërcënimit që i vinte në zgjedhje.

“Nëse nuk do të ishin zgjedhjet preliminare, s’do të më bënte,” i tha demokrati nga New Yorku, Ruben Diaz Jr, pasi po i kërkonte kohë që të fliste në një konferencë mbi vandalizmin lokal, shkruan Politico, përkthen Periskopi.

Këto komente – për të cilat Engel nuk e dinte se po regjistroheshin në stacionin televiziv lokal – shpejt u bënë virale. Klipi 12 sekondësh ishte parë më shumë se 700 mijë herë deri në natën e mbrëmshme.

Në një deklaratë të lëshuar më vonë, Engel tha se donte të fliste pasi “i bënte shumë për atë që po ndodhte në vend.”

“Në kontekstin e garimit për ri-zgjedhje, mendova se ishte e rëndësishme për njerëzit që ta dinin se ku po qëndroja, ja pse iu kërkova që të flisja,” tha Engel.

Por, këto komente nuk pritet që të qetësojnë pakënaqësitë e mëdha për deklaratat e Engelit, që natyrshëm mund t’ia rrënojnë shpejt karrierën politike.

Engeli e ka përfaqësuar New Yorkun në Kongres që nga viti 1988.

Kongresmeni i afërt me shqiptarët ka qenë nën kritika të mëdha edhe javët e kaluara pasi një raport kishte zbuluar se nuk kishte qenë fare në distriktin e tij të New Yorkut që nga fundi i muajit mars – pavarësisht se ky vend po shkatërrohej nga koronavirusi. /Periskopi