2 orë më parëRaka: Me këtë trend të rritjes, mund të mbingarkohet Klinika Infektive
Periskopi(6 vite më parë)
(6 vite më parë)Pas rritjes së numrit të rasteve me koronavirus në Kosovë, bartja e maskave dhe mbajtja e distancës në Institucionet Publike është bërë e obligueshme. E pikërisht mos respektimi i këtyre masave kohëve të fundit ka bërë që rastet me virusin korona brenda ditës të jenë mbi 100. Ndërkohë, mikrobiologu kosovar, Lul Raka, në emisionin Frontal […]
E pikërisht mos respektimi i këtyre masave kohëve të fundit ka bërë që rastet me virusin korona brenda ditës të jenë mbi 100.
Ndërkohë, mikrobiologu kosovar, Lul Raka, në emisionin Frontal të T7, konfirmoi që pikërisht rritja e rasteve vjen si pasojë e mosrespektimit të masave.
Raka gjithashtu shpreh shqetësimin e tij lidhur me kapacitetet e klinikës infektive, nëse vazhdon ky trend.
“Ngritja e rasteve të ditëve të fundit është reflektim i moszbatimit të masave parandaluese, ne kemi thënë prej fillimit që vaksine s’ka prandaj ilaçi i vetëm është parandalimi. Me një trend të tillë të rritjes shumë shpejt mund të mbingarkohen kapacitetet në Klinikën Infektive sepse për 3 ditë, prej 40 pacienteve janë 60. Por me këtë trend shumë shpejt mund të rritet”, ka thënë mikrobiologu.
Mikrobiologu thotë se ende situata është nën kontroll, derisa thotë se jo domosdoshmërish çdo rast do të spitalizohet.
“Ende s’ka dal prej kontrollit, por trendi është shqetësues. Për dallim prej fillimit, të gjitha rastet kanë shkuar në spital. Tash nuk shkojnë në spital. Fatmirësisht pjesa më e madhe e kanë pas simptomatologji të lehtë ose pa simptoma. Nëse nuk ka zbatim të masave, ka inspektorë e policë që mund ta kontrollojnë një gjë të tillë”.
Ndërkohë ai bëri thirrje qytetarëve të shmangen nga tubimet apo nga grumbullimet e njerëzve.
Raka foli edhe për daljen e ish ministrit të shëndetësisë Arben Vitia, në tubimin e LVV me 12 qershor.
Ai tha se menaxhimi i pandemisë nga Vitia ishte përtej çdo parashikimi, por se dalja e tij në tubim ishte gabim.
“Prej fillimit e kom potencu se çdo grumbullim i njerëzve pa marrë parasysh kontekstin, është kërcenim për shëndetin publik. Ne Danimarkë 1 person ka dalë pozitiv, 15 mijë vetë kanë me u testu. Unë kam bashkëpunuar me Arben Vitinë, dhe mendoj që për rrethanat e Kosovës ka qenë menaxhim përtej parashikimeve. Mirëpo dalja ne demonstratë në atë kohë, une mendoj që është gabim. Menaxhimi ka qenë i shkëlqyer, por dalja ne tubim është gabim, sepse pikërisht atëherë filluan te rritet numri ne Prishtinë”.
Lul Raka foli edhe për kërcënimin që ai e mori ditë më parë në Facebook, duke thënë se këto janë pjesë e punës.
