6 orë më parëPushka i bëhet top Britanisë: 3 milionë hong-kongas mund të jetojnë në Britani shkaku i ligjit kontrovers
Periskopi(6 vite më parë)
(6 vite më parë)Kryeministri britanik Boris Johnson është zotuar të lejojë tre milionë qytetarë nga Hong Kongu që të jetojnë e punojnë sa të duan në Britani të Madhe, duke iu dhënë nënshtetësi të plotë, në rast se Kina imponon ligjin kontrovers të sigurisë kombëtare në territorin e tyre. Kryeministri Johnson e përshkroi këtë veprim të mundshëm si […]
Kryeministri Johnson e përshkroi këtë veprim të mundshëm si “një ndër ndryshimet më të mëdah në sistemin tonë të vizave në histori”.
Ky do të ishte një përshkallëzim domethënës i tensioneve mes Britanisë së Madhe dhe Kinës, të cilat së fundi u krisën fort për shkak të planeve të Kinës për vendosjen e ligjit kontrovers, shkruan SkyNews, përkthen Periskopi.
Më herët, Sekretari i Punëve të Jashtme Dominic Raab kishte thënë se oferta do të vlente vetëm për 3500 mijë qytetarë të huaj që mbanin pasaportë britanike në Hong Kong.
Sidoqoftë, z.Johnson deklaroi se do ta zgjeronte të njëjtën ofertë edhe për 2,5 milionë njerëz të tjerë në Hong Kong që nuk mbajnë pasaportën britanike por kanë mundësi ta marrin atë.
Muajin e kaluar, Kina njoftoi për planet e imponimit të ligjit të ri të sigurisë kombëtare në Hong Kong.
Detajet e këtij ligji janë ende duke u draftuar por, nën propozimet aktuale, shumë njerëz frikësohen që ky ligj do të përdoret për të ndëshkuar lirinë e shtypit, të shprehjes dhe të protestave në Hong Kong. /Periskopi
