2 orë më parëMustafa kërcënon Osmanin: Nuk mund të qëndrojë dikush në LDK, nëse publikisht kundërshton vendimet
Periskopi(6 vite më parë)
(6 vite më parë)I pari i LDK’së Isa Mustafa ka folur sërish për përjashtimin a po jo të Vjosa Osmanit nga partia. Mustafa thotë se kjo gjë nuk është diskutuar por që sipas Mustafës ka pasur ankesa nga kryetarët e degëve, përcjell Periskopi Mustafa thotë se në bazë të dispozitës së LDK’ nuk mund të qëndroj dikush në […]
Mustafa thotë se kjo gjë nuk është diskutuar por që sipas Mustafës ka pasur ankesa nga kryetarët e degëve, përcjell Periskopi
Mustafa thotë se në bazë të dispozitës së LDK’ nuk mund të qëndroj dikush në parti i cili ka pozitë dhe kundërshton publikisht vendimet e partisë, përcjell Periskopi.
Mustafa thotë se ditëve të fundit nuk ka komunikuar me Osmanin.
“Ne duhet të respektojmë si LDK institucionet në këtë rast edhe kryetaren e parlamentit. Ne duhet të bashkëpunojmë si institucione, çështjet tjera duhet të mbesin si pjesë e partisë. Zonja Osmani mundet të mbesë nënkryetare e partisë e anëtare e kryesisë, duke i kundërshtuar vendimet është çështje tjetër karshi asaj që ajo e ka pasur dhe e ka votën tonë që të qëndrojë si kryetare e Kuvendit, që të bashkëpunojmë me të, që kryeministri të bashkëpunojë me të, që në asnjë rast kjo të mos ndikojë në jetën parlamentare”, tha Mustafa.
“Nuk është diskutuar në këtë formë. Ka pas vërejtje se si po ndodh te ne në LDK që ne të ndahemi në moment kur po marrim përgjegjësi për vendin. Na ka ndodh më 2014, kur kemi bërë koalicion me PDK-në, një numër i deputetëve s’më votoi. Ishte situatë pak më ndryshe. Dispozita në statut thotë se anëtarët e LDK-së, të cilët bartin pozita në LDK nuk mund të kundërshtojnë publikisht vendimet dhe qëndrimet e LDK-së në organet në të cilat janë. Munden brenda LDK-së të dalin kundër, të bëjnë vërejtje, por në momentin që merret vendimi, një anëtar i kryesisë nuk mund të dalë publikisht e të thotë që mos e përkrahni këtë vendim, në të cilën jam edhe unë. Dispozita është e qartë se nuk mund të jenë pjesë e atij organi nëse publikisht del kundër vendimit. Ne nuk jemi lëshuar gjithmonë në këtë, sepse kemi dashur ta evitojmë marrjen e masave ndaj njerëzve tanë. Por konsideroj se është më shumë çështje e etikës në politikë. Çështjet duhet të mbesin të brendshme. Nuk besoj që ajo është dashur të largohet vetë, por unë më tepër besoj që Osmani është dashur të përkrahë vendimet e shumicës në LDK. Në qoftë se ajo i beson LDK-së nuk ka nevojë të dilet publikisht e të thotë mos i përkrahni vendimet që i ka marr partia ime. Nuk kam pasur komunikim me të kohëve të fundit”, ka thënë ai./Periskopi
