3 orë më parëMustafa godet ashpër Vjosa Osmanin e Albin Kurtin: Bojkotimi s’iu bëri punë
Periskopi(6 vite më parë)
(6 vite më parë)Kryetari i LDK-së Isa Mustafa, ka goditur ashpër bashkëpartiaken e tij Vjosa Osmanin dhe ish kryeministrin Albin Kurti, duke thënë se ‘bojkotimi i bashkërendur i tyre, nuk iu bëri punë’. Përmes një postimi në Facebook, Mustafa ka thënë se derisa Vjosa Osmani i iku përgjegjësisë për ta udhëhequr seancën e Kuvendit ku u zgjodh Avdullah […]
Kryetari i LDK-së Isa Mustafa, ka goditur ashpër bashkëpartiaken e tij Vjosa Osmanin dhe ish kryeministrin Albin Kurti, duke thënë se ‘bojkotimi i bashkërendur i tyre, nuk iu bëri punë’.
Përmes një postimi në Facebook, Mustafa ka thënë se derisa Vjosa Osmani i iku përgjegjësisë për ta udhëhequr seancën e Kuvendit ku u zgjodh Avdullah Hoti kryeministër, Albin Kurti nuk ia dorëzoi detyrën.
Sipas Mustafës, kjo tregoi se Kosova nuk ka pasur kryeministër.
Postimi i plotë:
Bojkotimi i bashkërenditur i znj. Vjosa Osmani, Kryetare e Kuvendit dhe z. Albin Kurti, ish Kryeministër, nuk iu bëri punë.
E para iku nga përgjegjësia ta drejtojë seancën e Kuvendit, në të cilën bashkëpartiaku i saj i LDK-së do të votohej për Kryeministër, kurse partia e saj, LDK, ku akoma është nënkryetare, do ta drejtonte koalicionin qeverisës. Veprim i papresedan dhe i papërgjegjshëm.
Sot, Albin Kurti i iku përgjegjësisë t’ia dorëzojë detyrën Kryeministrit Hoti. Deklarata e tij se nuk ia dorëzon detyrën njeriut qe e ka shkarkuar është e ulët dhe e pasaktë. Në fakt para se ta shkarkonte z. Hoti nga pozita e zëvendëskryeministrit të parë, Kurti e shkarkoi vetëveten me votën e mbi 2/3 të deputetëve.
Pamja e mëngjesit të sotëm e Kryeministrit Hoti, në ceremonin e nderit të njësisë së FSK-së, flet qartë se para tij nuk kishte Kryeministër. Sepse çdo kryeministër me sjellje normale do t’ia dorëzonte detyrën pasardhësit të tij. IM
