5 orë më parëMatoshi thotë se të arrestuarve të Kurtit shteti duhet t’iu kërkojë falje
Periskopi(6 vite më parë)
(6 vite më parë)Ish gazetari i famshëm, Halil Matoshi, me anë të një postimi në Facebook ka deklaruar se “shteti duhet t’iu kërkojë falje” njerëzve që ishin arrestuar për shkak të mos-respektimit të masave të Qeverisë Kurti. Matoshi i ka cilësuar masat e qeverisë si “arbitrare” e “antikushtetuese”, duke përmendur edhe aktgjykimin e Gjykatës Kushtetuese. “Drejtësia kosovare duhet […]
Matoshi i ka cilësuar masat e qeverisë si “arbitrare” e “antikushtetuese”, duke përmendur edhe aktgjykimin e Gjykatës Kushtetuese.
“Drejtësia kosovare duhet të pushojë URGJENTISHT ndjekjen e qytetarëve, në paket, madje tuj u kërku falje publike shtetasve të ndaluem, pa asni bazë ligjore!” – shkruan z.Matoshi, përcjell Periskopi.
Ish këshilltari i kryeministrit Haradinaj ka përmendur edhe vetëvrasjen e të riut Agon Musliu si rrjedhojë e vendimeve arbitrare të Qeverisë Kurti. Musliu, 25 vjeçar, kishte qenë i mbyllur në karantinën e konvikteve pa vullnetin e tij.
Për një rast të tillë ka reaguar edhe Hilmi Jashari, Avokati i Popullit. /Periskopi
Statusi i Plotë:
Arrestimet ishin arbitrare – të ndaluemve shteti duhet me u kërku falje publike!
Policia e Kosovës (PK) gjatë majit ka raportuar për 300 raste të mosrespektimit të masave ndaj pandemisë Covid-19, në tërë Republikën e Kosovës, të cilat kanë rezultuar me arrestimin e 557 personave.
Duke qenë se vendimet e Qeverisë së Kosovës kanë qenë antikushtetuese dhe këtë e ka vendosë Gjykata Kushtetuese dy herë me radhë, drejtësia kosovare duhet të pushojë URGJENTISHT ndjekjen e qytetarëve, në paket, madje tuj u kërku falje publike shtetasve të ndaluem, pa asni bazë ligjore!
P. S.
Martin Luther King-u, lider i lëvizjës së padhunshme për liritë dhe të drejtat e njeriut në ShBA thoshte se “Padrejtësia kudo, âsht ni kërcënim për drejtësinë gjithku.”
Në Kosovë shteti i ka cënu rândë këto liri e të drejta, ku madje ni i ri ka bâ vetvrasje të asistueme, në duert e shtetit, tue qenë i ndaluem arbitrarisht. Sëkëndejmi, drejtësia duhet me i riparu e rivendosë këto të drejta e liri të paprekshme!
Ma në fund, post festum foli edhe Avokati i Popullit, Hilmi Jashari, i cili, kërkoi që të falen nga ndjekja e natutjeshme të arrestuemit gjatë Pandrmisë, mirëpo, ai nuk e çeli gojën sa ishin masat në fuqi!?
Jontë falen (për çka?) por duhet me u këtku falje!
