Kryeministri Hoti nuk akuzon as VV-në e as PDK-në për dështimin e kalimit të marrëveshjeve ndërkombëtare

Hoti me fjalë të matura ka ftuar ato që të bëhen bashkë dhe ta ndihmojnë qeverinë e tij e kësisoj edhe qytetarët në nevojë që janë dëmtuar nga pandemia.

“Qytetarët e Kosovës kanë nevojë urgjente për mbështetje institucionale, ndërsa Qeverisë së Kosovës duhet t’i lejohet të vazhdoj me implementimin e masave në kuadër të pakos për Rimëkëmbje ekonomike!” – thotë Hoti, përcjell Periskopi.

Ai ka kërkuar që Kuvendi t’i hapë rrugë diskutimit për Buxhetin e rishikuar, në mënyrë që të mbështeten bizneset kosovare që rrezikojnë të shuhen, dhe punëtorët që nuk i kanë marrë pagat.

Për fjalime të tilla jo-akuzuese ndaj rivalëve politikë njihej edhe presidenti historik Ibrahim Rugova.

Votimi për marrëveshje dështoi për shkak të mungesës së kuorumit si pasojë e largimit nga seanca të deputetëve të VV-së dhe PDK-së.

Statusi i plotë: 

Kuvendi i Kosovës dështoj t’i votoj sot pesë marrëveshje ndërkombëtare! Këto dokumente që presin të votohen, janë të një rëndësie të veçantë për shkak se janë marrëveshje ekonomike për projekte investive dhe zhvillimore në Kosovë!

Qytetarët e Kosovës kanë nevojë urgjente për mbështetje institucionale, ndërsa Qeverisë së Kosovës duhet t’i lejohet të vazhdoj me implementimin e masave në kuadër të pakos për Rimëkëmbje ekonomike!

Andaj, ftoj deputetët e Kuvendit të Kosovës, që të paktën kur kemi të bëjmë me projekte zhvillimore dhe fonde mbështetëse për infrastrukturë, të marrim përgjegjësitë kushtetuese që na takojnë! Në Kuvend duhet t’i hapet rrugë diskutimit për Buxhetin e rishikuar, që t’i dalim në krah bizneseve të cilat rrezikojnë të shuhen, t’i dalim në krah punëtorëve që nuk i kanë marrë pagat, të mbrojmë prodhimin vendor dhe t’i mbështesim qytetarët në nevojë