2 orë më parëJohn Bolton thotë se Trump i kërkoi ndihmë Kinës për t’u rizgjedhur president
Periskopi(6 vite më parë)
(6 vite më parë)Presidenti amerikan Donald Trump i ka kërkuar presidentit kinez Xi Jinping që të pajtohej me politikat tregtare që do ta ndihmonin atë të rizgjidhej president në nëntorin e këtij viti – sipas librit të ish këshilltarit të sigurisë kombëtare, John Boltonit. Bolton shkruan se në një bisedë direkte me Xi-në, presidenti amerikan dukej të nënkuptonte […]
Bolton shkruan se në një bisedë direkte me Xi-në, presidenti amerikan dukej të nënkuptonte që Kina mund të influenconte politikën amerikane, dhe më specifikisht i kishte kërkuar atij që të rriste sasinë e sojës dhe grurit që Kina blinte prej ShBA-ve, sepse kjo ishte e rëndësishme për votuesit që e kishin ndihmuar Trumpin të fitonte në vitin 2016.
Nëse XI-u pajtohej, Trumpi atëherë do ta hiqte tarifën e vendosur kundër Kinës, shkruan NBC, përkthen Periskopi.
Libri i Boltonit që është pritur me ankth tash e një kohë të gjatë paraqet Trumpin si një president të painformuar që e sheh Departamentin e Drejtësisë si veglën e tij personale, prioritetizon interesat e tij personale, dhe në formë miopike proceson çdo vendim përmes lenteve të asaj se si do ta ndikonte një gjë e tillë rizgjedhjen e tij si president.
Trump e ka akuzuar Boltonin për botimin e informacioneve të klasifikuara në atë libër, dhe ka nënkuptuar se ai do të duhej të përballej me akuza kriminale.
Shtëpia e Bardhë ka provuar që të shtyej botimin e këtij libri pikërisht për shkak të arsyes se përmban informacione sekrete. /Periskopi
