4 orë më parëÇmimi i naftës bie në 40 dollarë, tregtarët kanë frikë nga vala e re e COVID-19
Periskopi(6 vite më parë)
(6 vite më parë)Çmimet e naftës ranë sot në 40 dollarë në tregjet ndërkombëtare, për shkak të rasteve të reja me koronavirus, të cilat lanë në plan të dytë premtimet për rezultate pozitive të testit të ilaçeve kundër kësaj sëmundjeje. Në tregun e Londrës, çmimi i një fuçie nafte ra me 61 centë në krahasim me mbylljen e […]
Çmimet e naftës ranë sot në 40 dollarë në tregjet ndërkombëtare, për shkak të rasteve të reja me koronavirus, të cilat lanë në plan të dytë premtimet për rezultate pozitive të testit të ilaçeve kundër kësaj sëmundjeje.
Në tregun e Londrës, çmimi i një fuçie nafte ra me 61 centë në krahasim me mbylljen e mëparshme, ose 40.35 dollarë. Në tregun amerikan, një fuçi u tregtua me 74 centë më pak ose 37.64 dollarë.
Mbështetja e çmimeve sigurohet nga raportet e mediave që kabineti i presidentit të SHBA-së Donald Trump është duke përgatitur një paketë masash prej 1 trilion dollarësh që parashikon ndërtimin e infrastrukturës për të forcuar ekonominë në kohën e krizës së koronavirusit.
Tregtarët gjithashtu kanë frikë nga përshkallëzimi i tensioneve në Gadishullin Korean, pasi që Koreja e Veriut refuzoi një ofertë nga fqinji i saj jugor për të dërguar një emisar special dhe njoftuan dërgimin e trupave në zonën kufitare të demilitarizuar.
Tendenca në rënie e çmimeve mbizotëroi për shkak të rasteve të reja të infeksionit koronavirus. Kështu, Pekini anuloi fluturime të shumta dhe mbylli shkollat, në mënyrë që të ndalonte përhapjen e virusit në valën e re të epidemisë, e cila përsëri shtyu në ballë shqetësimet për kërkesën për energji.
Pritjet e drejtuesve të kompanive aziatike ranë në tremujorin e dytë në nivelin më të ulët në 11 vjet, sipas studimit të Reuters dhe INSEAD. Dy të tretat e të anketuarve besojnë se rreziku më i keq në gjashtë muajt e ardhshëm do të jetë përkeqësimi i pandemisë COVID 19.
Pandemia ka penguar aktivitetin ekonomik dhe kështu kërkesën për naftë. Kështu, importet japoneze të naftës u mbytën në nivelin e tyre më të ulët në gati tre dekada në maj. Japonia është blerësi i katërt më i madh i naftës në botë.
Analistët nga Standard Chartered paralajmërojnë për rrezikun e rënies së çmimeve në planin afatmesëm, ndërsa lajm i mirë është se rezultatet e provave klinike kanë treguar që deksametazoni kortikosteroid uli shkallën e vdekjes me një të tretën ndër të prekurit nga COVID-19, sipas Reuters.
