4 orë më parëE paprecedent: Turqia nis një fushatë të ashpër bombardimesh kundër kurdëve
Periskopi(6 vite më parë)
(6 vite më parë)Turqia ka lansuar një operacion të madh ushtarak ajror dhe tokësor kundër militantëve kurdë përgjatë kufirit verior të Irakut, një veprim ky që sugjeron se Ankaraja po e rrit zullumin ndaj kryengritësve. Forcat speciale u dërguan në rajonin kufitar të Haftaninit në orët e para të ditës së mërkure për Operacionin Kthetra e Tigrit. Fushata […]
Forcat speciale u dërguan në rajonin kufitar të Haftaninit në orët e para të ditës së mërkure për Operacionin Kthetra e Tigrit. Fushata agresore i shënjestroi 150 pozicione të dyshuara të partisë së Punëtorëve të Kurdisatanit (PKK) dhe kishte në përbërje avionë ushtarakë, helikopterë, dronë, dhe artileri, ka thënë ministri i mbrojtjes së Turqisë.
Ky sulm vjen pas një tjetër sulmi të bërë të hënën në mesnatë, kur një fushatë bombardimesh shënjestroi 81 instalacione të PKK-së në mbarë rajonin, shkruan The Guardian, përkthen Periskopi.
Pavarësisht shkallës së paprecedent të operacioneve turke brenda territorit irakian, asnjë civil apo luftëtar nuk është raportuar i vrarë deri tash.
PKK-ja i kishte kapur armët kundër shtetit turk në vitet ’80 për të luftuar për një komb të pavarur kurd.
Prej asaj kohe e ka modifikuar qëllimin për një angazhim për të drejta dhe autonomi të kurdëve. Grupi konsiderohet si organizatë terroriste nga Turqia, BE-ja dhe ShBA-ja.
Bisedimet e paqes mes presidentin turk, Rexhep Taip Erdoan dhe liderëve të PKK-së kishin dështuar në vitin 2015, duke e intensifikuar dhunën në atë vend.
Thashethemet për një ofenzivë të madhe turke kundër PKK-së në veri të Irakut kanë qenë duke qarkulluar për muaj me radhë. /Periskopi
